مابعد الحب الجزء الثانى﴿ حب أعماه الانتقام﴾

احساس بالخوف

بعد مرور اسبوعان اخرين.
بيت امينه..
كانت شيرين تجلس بجوار امها تضع راسها على قدم امها مغمضة العينين وامينه تمسد شعرها بحنان ولسانها يهمس بالاذكار والايات القرآنية ،لتنتهى بعد فترة لتنادى بصوت هادئ هامس على شيرين:_حبيبتى انتى نمتى ياقلبى.

شيرين وهى مازلت على وضعها:_لاء بس حاسه انى مرتاحه اه ياماما انتى مش متخيلة قد ايه انا تعبانه شغل ليل نهار وضغط هلكانه ياماما هموت من التعب.

امينه بهلع:_بعد الشر عليكى يابنتى وليه كل ده ارتاحي،ثم حدثتها بقلق:_أنتى كويسة صحتك كويسة يعنى..

شيرين مقاطعه:_اهدى ياماماانا كويسة متقلقيش كويسة بس ببقى مبسوطه وانا فى حضنك برتاح وبفضفض عادى ماتقلقيش ده بس ارهاق،والبيبى كويس وصحته زى الفل انا اطمنت ماتخافيش.

امينه براحه:_خدى بالك من نفسك ياحبيبتى ومن ابنك الاقوليلى عرفتى اذاكان ولد ولابنوته ده انا هموت واعرف..

تطلعت لها شيرين باسمه:_امم  انتى بقى نفسك فى ولد ولا بنت.

امينه:_الصراحه الصراحه نفسي فى بنت تجرى وتتنطط حواليا كده وتقولى وحشتينى ياتيته،ياتيته  عاوزاكى تحكيلى حدوته ياتيته.

استقامت شيرين تنظر لها بدهشه:_انتوا ايه حكايتكم هاه انتى عاوزة بنت وادم عاوز بنت وانا ماليش رأي يعنى..

امينه ضاحكه:_طب بس اهدى مالك وبعدين ايه اللى فيها يعنى البنات رزق ياعبيطه، لما ادم يبقى نفسه فى بنت ده اكيد بيحبك، بس لحظه هو ادم عرف انك حامل.

هزت شيرين رأسها بنفى قائلة:_لاء ماما ادم لسه ماعندوش خبر بالموضوع وبصراحه اللى مساعدنى ان الحمل مش ظاهر لحد دلوقتى حتى الدكتور كل مرة بتقولى انها مستغربة انى عديت الشهر التالت ولسه زى ماانا وكأنى حامل باول شهر..

امينه وهى تطالعها بضيق:_وده انتى شايفاه صح،شيرين ادم مش هيسامح فى ده،ادم عمره ماهيبقى ابوكى وانا غيرك وانتى غيرى ،انا اللى ضعينى زمان سذاجتى وطيبتى الزايده اللى خلتنى آمن لحية وتعبان واقول عمرهم مايدلغونى دول بيحبونى واستحالة يحصل لكن اتفاجئت انهم موتنى فضلوا يلفوا حوالين رقبتى وانا مش واخده خوانه ويخنقوا بيا بالبطئ وبلحظه لاقيتهم بيموتونى قاصدين انى انتهى من الحياة والدنيا كلها،لكن انتى لاء ادم بيحبك ومافيش اى قوة هتقدر تفرقكم عن بعض..

شيرين بألم:_ياريت ياماما بس خايفه وخوفى هو اللى مأيدنى،بس بقنع نفسي واقول مش مهم انا دلوقتى بسرق سعادتى على قد مااقدر عشان عارفة اخرها ايه..

امينه وهى تشعر بالحزن على ابنتها:_واخرتها ايه بقى يابنتى

شيرين بصوت باكى ضعيف:_اخرها..اخرها الفراق ياماما،فراق ومافيهوش رجوع ،انا وادم دلوقتى زى اللى على مركب وفرحانين بس مش عارفين او عالاقل واحد بس عارف ان المركب دى هتغرق بس بيعافر نفسه يفضلوا مع بعض بس النهاية معروفه له هو لوحده وهى انهم هيغرقوا والموج هياخد كل واحد فيهم لحته بعيد،بعيد اوى وينسوا بعض.