مابعد الحب الجزء الثانى﴿ حب أعماه الانتقام﴾

خبايا القدر(٢)

شيرين:_مفاجأة صدقنى هتشكرنى عليها.

دلف بعدها ذاك الضيف ليتفاجئ ادم بوجود ليحدثه مبتسما:_مش معقول عامر هنا بشحمه ولحمه،بالحضن ياولد الجمال..

ضحك عامر وذهب اليه يحتضنه:_ وحشتنى ياصاحبى بالحضن ياولد الزينى..

عامر:_احسن حاجه انى شوفتك انهارده ..

ادم :_وانا والله ياااه بقالى كتير ماشوفتكش بس سامحنى من اول مانزلت وانا مش اخلص من المشاكل اللى نزلت فوق راسي ولسه بس فايق من اسبوع ،ثم وجه نظره لشيرين يتطلع لها بحب:_وكل ده بسبب حبيبتى دى لولاها ماكنتش قدرت اتغلب على كل اللى حصل..

عامر:_فعلا شيرين دى جدعه وانت مش هتلاقى زيها ..

ادم وهو يجذبها لاحضانه مبتسما :_ طبعا الاصحيح قولى عامل ايه ودكتورة عاملة ايه كله تمام لاقيتها ولسه..

عامر:_لاقيتها وكانت هتروح منى بس الحمد لله ربنا ستر..

ادم بعدم فهم:_مش فاهم انت يعنى كله..

عامر مبتسما:_كله تمام ماتقلقش الحمد لله..

شيرين بجدية:_طيب احنا دلوقتى بعد مااطمنا على بعض وعرفنا اخبار بعض نقدر نقعد ونتكلم فى الشغل..

عامر بمرح:_هو انتى لسه مااتغيرتيش ياشيرين جد على طول كده..

ادم بيأس:_اه يااخى لسه زى ماهى ومن ساعه مااشتغلت معايا وهى مش عاوزانى اتنفس كله شغل شغل..

شيرين بمرح:_معلش تربية انجليزى يابابا ..

ادم وهو ينظر لها شرزا:_تقصدى ايه بقى..

شيرين باستسلام:_ولا اى حاجه نتكلم فى الشغل بقى ..

ادم:_مافيش فايده مع الاسف..

شيرين:_طيب دلوقتى ياعامر ان كنت كلمتك قبل كده عن الظروف اللى مرت بيها الشركه واللى اكرم بيعمله معانا انه يخسرنا بيقف فى كل مناقصة لينا وصلت كمان انه بياخدها بالرشوة وده معناه..

عامر مقاطعا:_معناه مش عاوز شركه الزينى تقوم من جديد صح..

ادم:_صح هو قاصدها..

عامر:_وده ليه اكيد سبب صح.

ادم:_عدواة، اكرم يبقى جوز بنت خالتى وهى سايبالوا البيت بقالها فترة لانها بتشتكى من سلوكه واسلوبه الهمجى العنيف معاها بس..

عامر:_امم يعنى هو بينتقم صح،ماشي وانا بحب كده هاه ايه المطلوب منى..

تطلع له ادم بغرابة مبتسم:_انت وافقت تشاركنا يعنى.

عامر:_طبعا ادم انتوا من الناس اللى الواحد يكسب بس انه يعرفهم بمابالك بقى الشغل وبعدين انت بتقول ايه ماانا موافق واتفقت مع شيرين على حصتى.