مابعد الحب الجزء الثانى﴿ حب أعماه الانتقام﴾

علمنى كيف احبك

علمني كيف أحبك
علمني كيف أسير دون تعثر على دربك
خذ بيدي تلك التي لك مددتها
أريدك قربي فلا تحرمني قربك
إرو عطشي منك من حنان ثغرك
أذقني الحب رويدا
وإسقني الشهد من يدك
عنيدة أنا ومجنونة أعرف
ولكنك وحدك من أريدك
خذني إليك ولا تقسو
أريد العيش بحضنك
علمني كيف أخطو
خطواتي الأولى على دربك
تائهة أنا دون مرسى
خذ بيدي قبل أن يغرقني بحرك
سهاد وألم وحنين ليلي
إنتزعني منه وإزرعني في ليلك
إزرعني نجمة صغيره
إزرعني غيمة تهطل أمطار حب
أحنو علي كما كنت
فمن أكون أنا بعدك؟
أحبك بغريزتي الطفوليه
هكذا أعرف أن أحبك
علمني ما تريد مني
علمني أول دروس عشقك
علمني أن أكون كما تريد
علمني كيف أحبك..
قصيدة للكاتبه/ سوزان دبيني
&&&&&&&&&&&&
فى منزل رحمه..
________________
كانت ليلى تجلس امامه تطالعه بصدمه والدموع بعينيها وهى تسمعه يحكى وهو يقول:_انا كنت هرجع ياليلى بعد كل شئ ماانتهى بس اتحبست..اتسجنت ظلم قضيت سنه فى السجن وهربت.. هربت٣ سنين و٦شهور ياليلى ماكنتش بدوق فيهم النوم وانا خايف لاحسن يتقبض عليا انا كنت متهم بجريمه قتل انا ماعملتهاش وكأنى مكتوب عليا انى اتسجن فى بلدى واى بلد تانيه بس المرادى كانت مترتبة اعدام يعنى خلاص للنهاية..

ليلى بصدمه وصوت باكى:_مين اللى عمل كده؟

مراد:_عواد صاحب الشركه اللى كنت شغال فيها كان مرتبلها صح مع عزيز انا وصلت للشركه وانا عارف انا هعمل ايه كويس لكن ماكنتش اعرف ان عواد كان مرتب كل اللى حصل ده مع عزيز من اول يوم اشتغلت فيه زى مايكون كان حاسس ،يوم ماحصل اللى حصل كنت مع الظابط اللى كان بيساعدنى محمود وروحنا البيت وقعد معايا وكنت انا وهو بنرتب خلاص لنزولنا مصر وكان بيعزمنى على فرحه قالى انه هيتجوز بعد مانرجع كان مبسوط وحكالى عن خطيبته زى ماانا حكيتله عنك واتفقنا اننا نعرفكم على بعض اول ننزل، وفجأة لاقت جرس الباب بيرن روحت افتح لاقيت قصادى واحد معرفوش بعدها رش على وشي مخدر وكممنى واغمى عليا وبعدها ماعرفتش ايه اللى حصل لما فوقت لاقيت جثه محمود جمبى وانا فى ايدى سلاح الجريمه وفجأه الشرطه بتدخل وبيقبضوا عليا ..

انهارت وقتها ليلى من البكاء:_ ليه يحصل كده ليه..

وقتها مد مراد يده يمسح دموعها بيديه مبتسما بحزن:_كنت زيك مش مصدق ومش فاهم مش حاسس..وافتكرت كلامه عن فرحه وحبيبته اللى مستنياه وافتكرتك تخيلتك ولاول مرة كان نفسي اشوفك قودامى مش اكلمك بس،كل شريط حياتى مر قودامى وهما بيقبضوا عليا،المهم فضلت انكر وقولتلهم اللى حصل لكن ماحدش صدقنى وخصوصي لما عرفوا ان انا كنت محبوس سابقا يعنى مشتبه فيه،بعدها طلبت محامى عشان يقف جمبى والصراحه باسم ومراته فضلوا واقفين جمبى وجابولى اكبر محامى هناك عشان يدافع عنى..

ليلى وهى تمسك يده وتحدثه بدموع:_طب عملت ايه خرجت ازاى يعنى؟؟

مراد:_المحامى اللى جابوا باسم كان شاطر حاول كتير عشان يثبت براءتى لكن كان من غير فايده خصوصا ان الادلة كلها ضدى وسلاح الجريمه معايا ومافيش اى ثغرة وقتها هربت عشان اثبت براءتى فضلت افتكر كتير ملامح الراجل اللى خدرنى ده لكن مع الاسف ماكنتش قادر،فكرت ارجع بس مع الاسف كنت خايف عليكوا لما تشوفونى كده خرجت منها مسجون فى ماضيا ورجعت وانا محكوم عليا بالاعدام ماكنتش استحمل انتى او امى اوابويا يجرالكوا حاجه وقررت انى لازم افضل عشان اثبت براءتى فضلت متخفى وكل يوم يطلع اسوء من اللى قبله لحد مامر على هروبى سنتين عدو عليا زى مايكون عشرين سنه وماوصلتش لحاجه وخصوصي بعد ماعرفت ان عواد اتسجن واتحكم عليه بالمؤبد عرفت كده ان خلاص كله شئ انتهى وانا ضعت وفى عز اللى انا فيه لاقيت حنين مرات باسم قصادى ..