مابعد الحب الجزء الثانى﴿ حب أعماه الانتقام﴾

وعد بالحب

اوعديني لو زعلتي مرة مني تعرفيني
لو جرحتك غصب عني تحسسيني
متشيليش جواكي حاجة، تحكي ليا كل حاجة
لما هفهم هبقى أحسن، صدقيني

اوعديني لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري، اشتكي لومي وثوري
بس اوعي في يوم تروحي وتسبيني

انتي قلبي و انتي روحي و انتي عيني
حد عايز اعيش معاه لآخر سنيني
انتي بالنسبالي مش حب ف حياتي
انتي كل حياتي فعلاً افهميني

اوعديني لو في يوم الخوف ملكني تطمنيني
لو ذكائي ف مرّة خانني تفهميني
لما أقسى في يوم تحني، و أما أغلط غصب عني
قبل ما أغلط غلطة تانية تلحقيني

اوعديني لو يبيعني الكون بحالة تشتريني
تبقي أقرب منّي ليّا، تكمليني
تبقي أختي تبقي أمي، تجري فيا جوة دمي
لما اكون تعبان تضمي وتداويني.
______________________________
_____________ 

ابعدها عنه برفق مرغما ليستطيع الاثنان التنفس ليتطلع لها بعشق وهو يداعب بيده وجنتها هامسا:_اوعى تشكى للحظه انى مش بحبك عشان عمرها ماهتحصل ،انتى عايشه فيا جوايا،اغمض عينى بشوفك،افتحها بردوا بشوفك،بنام بحلم بيكى حتى لما بصحى ببقى عايش عشانك انتى، عشان ضامن ان الهوا اللى اتنفسته ده انتى اتنفستيه قبلى،بروح فى اى حته بشوفك بتبقى جمبى حتى لو مش معايا كأنك معايا ،انتى انا.. ملكى زى ماانا ملكك وعمرى ماهكون ملك لحد غيرك...

تطلعت له شيرين بحب والدموع تتجمع بعينيها لتحتضنه بعدها  ليتمسك هو بها بقوة وكأنها حلم سراب سيضيع من يديه فور استيقاظه او ابتعادها عنه لتهمس هى له بصوت متأثر بالبكاء:_انا بحبك..

تصلب جسده فجأة بعدما سمعها تقول تلك الكلمه ليبعدها عنه ببطء يتطلع لها بشك وكأنه يريد التأكد مما استمع اليه ليقول بارتباك:_ان..انت..انتى قولتى حاجه..

اومأت له شيرين مبتسمه والدموع بعينيها:_امم قولت بحبك والله العظيم بحبك،ازاى وامتى مااعرفش بس انا بحبك انا من وقت ما فتحت عينى وشوفتك جمبى وانا حاسة انى مرتاحه بوجودك بحس بأمان معاك ،يمكن مش فاكراك ولا فاكرة قصة حبنا اللى الكل بيكلمنى عنها بس انا بطمن وانت جمبى،بحس بامان ومش عاوزاك تبعد عنى توعدنى...

وكأن احدهم كان يسجنه لسنوات وبلحظه اطلق سراحه ليظل يتطلع لها مبتسما وهو يومأ لها مرارا وبلحظه وبدون ان يشعر بشئ حملها فجاة وظل يدور بها وهو يضحك لتضحك هى الاخرى بعدها غافلين عن اعين الجميع التى كانت تتطالعهم بسعادة وفرح....
______________________________
اما عند ليلى ومراد..

فكان يقف مراد يحتضن كفها بين يديه متطلعين لادم وشيرين والابتسامه لاتفارق وجهيهما ليهمس لها باذنيها مبتسما:_عقبالنا ياليلتى..

وقتها تطلعت هى له:_اتلم يامراد. 

مراد ضاحكا بخفوت ليحدثها هامسا:_هو انتى دايما كده بتفكرى شمال...