مابعد الحب الجزء الثانى﴿ حب أعماه الانتقام﴾

حبى الانانى

بعد مرور يومان تحديدا فى اخر يوم لشيرين بالمشفى كانت ليلى معها تساعدها على جمع اغراضها من الغرفه ليستمعوا بعدها لصوت دقات خفيفه على الباب لتأذن شيرين لمن بالباب بالدخول ليطل ادم عليهم بابتسام وهو يذهب باتجاه شيرين يحتضنها بحب قائلا:_وحشتينى عاملة ايه ..

شيرين باسمه:_كويسة انت اخبارك ايه وماما فريدة ازيها..

ادم:_انا كويس طول ماأنتى كويسة وماما ياستى بتسلم عليكى وهى بتعتذر انها مقدرتش تيجى تزورك اصلها تعبت شوية..

شيرين بقلق:_لا الف سلامه عليها طب هى كويسة دلوقتى..

ادم:_امم كويسة المهم متقلقيش انتى خالص ماشي..
اومأت له مبتسمه ليقبل جبهتها برقه ليدير راسه بعدها باتجاه ليلى يحدثها بابتسام:_ازيك ياليلى عاملة ايه تعبناكوا معانا والله..

نظرت له ليلى بغضب جاهدت تخفيه قائلا بابتسامه مزيفه:_الله يسلمك وبعدين شيرين اختى وانا عمرى ماهبعد عنها فى اى وقت ده احنا مع بعض وقت الفرح مش هبقى معاها وقت الشدة ..

بعدت شيرين عن ادم وذهبت الى ليلى لتحتضنها باسمه:_ربنا يخليكى ليا ياليلى انتى احلى اخت ربناعوضنى بيها ...

ليلى:_وانتى كمان احلى حاجه ليا...

ابتسم ادم لهم قائلا بمرح:_الله انا كده هبدأ اغير منك ياليلى كده..

شيرين وهو تنظر له مبتسمه:_ياسلام وتغير ليه بقى ان شاء الله..

ادم:_عشان بتحبى ليلى ..

نظرت له ليلى بغيظ بينما حدثته شيرين بابتسام:_بس انت غير ليلى انت حب عمرى وحبيبى الوحيد..

ليلى بعصبية طفيفه:_عن اذنكم انا هخرج اشوف ماما فين ...

خرجت ليلى من الغرفه لتنظر لها شيرين بدهشة بينما تجاهلها ادم وذهب لشيرين يحتضنها من خصرها هامسا لها:_بس انا زى الفريك مابحبش شريك..

ضحكت شيرين :_بس ليلى مش شريك ليلى اختى وانتى جوزى يعنى انتوا الاتنين حبكم فى قلبى مش واحد بس مقدرش استغنى عنكم انت او هى..

ادم:_تؤ تؤ انا بغير عليكى من اى حد حتى لو كان اختك او اخوكى بغير عليكى من الهوا الطاير هتعملى ايه بقى مجنون شيرين..

شيرين:_هههه ياااه لسه فاكر دى كانت كلمه نهلة ياترى عاملة ايه دلوقتى..

بهتت ملامح ادم للحظات ولكنه ابتسم لها ابتسامه لم تصل لشفتيه وهو يخلق عذرا وهميا لها:_حبيبى انا هروح اشوف دكتور عبدالله عشان اسأله عن اجراءات الخروج واعمل كام مكالمه كده واجيلك مش هتأخر ماشي ..

ابتسم له شيرين:_ماشي

قبل ان يتركها قام بطبع قبلة على رأسها وذهب لتتنهد هى بحب وتكمل ما كانت تفعله قبل دخوله لهم...