مابعد الحب الجزء الثانى﴿ حب أعماه الانتقام﴾

مراد ليلى

فى الصباح...
استيقظت شيرين وعلى وجهها ابتسامه مشرقه لتنظر بجوارها لتجده نائم بعمق وكانه لم يذق طعم النوم لسنوات ظلت هى تتطلع اليه مبتسمه بحب لتجد يدها رغما عنها تداعب خصلات شعره تتطلع له بعشق لتهمس:_امتى حبيتك،وازاى حبيتك مش عارفه ،مش مهم المهم دلوقتى عندى انك حبيبى حبيبى وبس..

لتسمعه بعدها يحدثها وهو مغمض العينين:_صح المهم انك حبيبتى وبحبك انتى وبس..

ليفتح عينيه ببطء والابتسامه تنير وجه:_تعرفى انى كنت بحلم كتير بيكى هنا جمبى وانتى بتقوليلى الكلام ده..

تطلعت شيرين له مبتسمه:_ليه..هوانا مش كنت بقولك كلام حب ولاايه ولاهتنكر.

استقام ادم بمكانه ليتطلع لها بعشق ويده تتلمس خصلات شعرها مبتسما:_ لاء مش هنكر انتى اغلى من روحى وعشان كده كل ماانام كنت دايما بحلم بيكى..

شيرين:_ادم احنا كنا بنحب بعض اوى يعنى انا وانت حبينا بعض ولا كان مجرد جواز عادى والحب انتهى بعدين..

ادم وهو يتلمس وجهها بانامله:_ايوة بنحب بعض وعمرى ماحبيت غيرك خليكى فاهمه ده كويس وعمر ماالحب اللى بينا انتهى بالعكس كان بيزيد ..

شيرين:_طب احنا جينا هنا قبل كده..

اومأ لها ادم مبتسما:_امم مرة واحده..

شيرين باندهاش:_مرة واحده بس!!

ادم:_امم كان يوم عيد ميلادى يومها عملتى ليا مفاجأة وجبتينى هنا عشان انتى عارفه انى كان نفسي انى اقضي ولو يوم على اليخت ،وانتى اجرتيه من صاحبه لمده يوم ،انا بعدها وعدتك انى مش هسيبه ابدا وقررت اشتريه واشتريته من قريب يعنى وماجتش فرصه نيجى هنا،ثم اكمل بداخله:_ اشتريته بعد فراقنا بتلات شهور اشتريته عشان افتكرك عشان تبقى معايا فى كل مكان بقيت باجى هنا اقضي الليالى وحيد افكر فيكى وافتكر الليلة الوحيدة والاخيرة لينا هنا قبل ماتسبينى وتروحى كنت بشوفك معايا وانا وانا حاضن صورتك وانام وانا بتمنى انى اصحى فى يوم واشوفك جمبى لكن كنت دايما بفوق لوحدى وانتى بعيد.

شيرين وهى تلوح امام عينيه بيدها:_هييي روحت فين..

ليتطلع لها باسما:_هروح فين وانتى معايا بروح معاكى عشان انا ماليش غيرك اروح ليه واسرح فيه..

شيرين:_امم رومانسي اوى حضرتك..

ادم:_عندك مانع حضرتك..

شيرين مبتسمه:_ابدا نهائي بس خد بالك انا هاخد على كده يعنى رومانسية ودلع بعدين مش هتعرف تخلص منى..

ادم:_وانا مش عاوز اخلص منك وعاوز افضل كده لحد اخر عمرى ،عارفه فى مرة كنتى بتسألينى لو نفسي فى بنت او ولد عارفه قولتلك ايه..

تطلعت له شيرين لتهز رأسها نافية،ليكمل هو وهو يحتضن وجهها بين يديه ليستند بجبهته على جبهتها هامسا:_قولتك انى عاوزهم بنات وقتها استغربتى قولتلك عاوزهم انتى ،شبهك انتى، عشان انتى دنيتى كل دنيتى انتى الملكه بتاعتى اميرتى الوحيدة حتى ولادنا يبقوا انتى.