مابعد الحب الجزء الثانى﴿ حب أعماه الانتقام﴾

اعتراف بالحب

وصلت امينه مع ليلى وطارق وعبدالله لمنزلهم بعد ان ودعت شيرين على وعد انها ستكون معها غدا منذ الصباح..

دخلت امينه وهى قابضة على كتف ليلى بقسوة المتها لتهتف بعصبية وغضب ثائرة:_ادخلى فهمينى بقى معنى كلامك ده يابنت اختى وللاخر..

تطلعت ليلى لها بثبات:_معناه اللى وصلك ياخالتو انا هسافر لاسكندرية وهوافق على الجوازه اللى قالى عليها..

بتلك اللحظه كان طارق يقف بينهم يفهم ما يدور حوله ممسكا بهاتفه وعندما استمع لكلام ليلى حدثهم بصدمه:_نننننعم؟؟جوازة ايه وكلام فارغ ايه وانا اقول ماما مالها متعصبة وثايرة كده ليه واتارى عندها حق واتاريكى اتجننتى فى عقلك..

هتفت به ليلى بغضب:_بالظبط كده انا اتجننت وخلاصه الكلام انا حرة دى حياتى وانا حرة..

امينه بغضب:_لاء مش حرة يابنت رقية لما ابقى اموت وجوز الرجالة دول يبقى زيهم زى جوز الخيل وقتها بس تبقى حرة لكن غير كده لاء وزى ماقولتهالك قبل كده عندى ادفنك حية ولانى اسلمك للسوابق مسجل الخطر ده هو واخته وابوكى سامعه..

ليلى بثورة:_بس انتى مالكيش حق عليا..

امينه بغضب:_لاء ليا ونص انا امك..

ليلى بغضب مماثل:_لاء مش امى انا امى ماتت انا امى رقية ..رقية وبس..

وقتها لم تشعر امينه بنفسها الا وهى ترفع يدها تصفعها على خدها بقوة قائلة بصوت هادر:_القلم ده عشان تفوقى ومهما حصل انا هفضل امك ..امك اللى ربتك وسهرت عليكى وعلى تربيتك وانا بس اللى ليا الحق فيكى وانا بس اللى اختارلك الراجل الصح اللى تعيشي معاه عمرك مش اى حد حتى لو كان الحد ده ابوكى سامعه يابنت امينه..

وقتها وضعت ليلى يدها على وجنتها تتحسسها بدموع ليستمعوا بعدها لصوت جرس الباب ليسرع عبدالله يفتحه ليتفاجئ بمراد امامه ليبعده مراد عن طريقه وهو يدخل اليهم ليطالعه الجميع بصدمه ولكن هو كان بعالم اخر كان يقف امام ليلى يتطلع لها بغضب:_مش انتى عاوزة تسافرى لابوكى وتوافقى على عريس الهنا ماشي سافرى بس ورينى بقى هتسافرى ازاى وانتى متجوزه..

تطلعت له ليلى بغضب ودموع:_انت بالذات مالكش دعوة بيا نهائي وبعدين مين دى اللى متجوزه هاه هى الغربة آثرت على دماغك ياابن الزينى..

تطلع لها مراد بقوة هاتفا بها غضب:_اه اثرت ومن هنا وجاى خروج من البيت ده ممنوع الا لو جاية تشوفى شيرين وبس ومش هيكون لوحدك لاء خروجك هيكون يامع طارق ياعبدالله ياطنط امينه،وتليفونك هيتاخد منك مش هيبقى فى اى وسيلة اتصال فى ايدك ابدا وكل ده لحد ماتبقى فى بيتى وتحت حكمى مفهوم..

تطلعت ليلى له ساخرة:_ فى بيتك وتحت حكمك لاء ده انت خلاص ضاعت منك عالاخر بقولك ايه انت لاليك دخل بيا ولابحياتى ولاحتى باي شئ يخصنى سامع..