مابعد الحب الجزء الثانى﴿ حب أعماه الانتقام﴾

((الخاتمة))

كان الكل متجمع بالمشفى المتواجد بها ادم ..

ماجد بعصبية:-هو الدكتور ده ايه متخلف ازاى يعمل فيها كده..

مراد:-احنا كلنا اعصابنا سابت اول ماقال اللى قاله ده الله يكون في عونها هى ..

طارق:-هى لحد دلوقتى ماخرجتش من اوضه العناية قاعده جمبه ...

فريدة بحزن:-خلوها جمبه مادام هى مرتاحه كده يمكن يفوق على صوتها..

غادة بصوت باكى:-ان شاء الله ياماما هيبقى كويس ويقوم منها ان شاء الله..

امينه:-يارب يابنتى يارب ...

ليتحدث مراد الصغير بصوت باكى:-تيته هو بابا مش هشوفوا تانى..

لتحتضنه ليلى :-لا ياحبيبى بس بابا تعبان شوية صغيرين وان شاء الله هيفوق وهيقوم ويبقى احسن..

مراد:-وهيلعب معايا زى الاول..

ليلى:-انشاء الله ياحبيبى بس انت ادعى له وقول يارب بابا يبقى بخير ويقوم منها بالسلامه..

مراد:-يارب بابا يرجعلى أنا وماما ويبقى كويس ونرجع زى زمان يارب.
------------------------------------------------------
فى منزل كاريمان..

كانت كاريمان تستعد للذهاب للمشفى والسفر بعدها لتجد والدتها صفية امامها..

صفية:-حضرتى شنطتك ياحبيبتى ..

كاريمان:-ايوة ياست الكل من امبارح وهى جاهزه بس الصراحة أنا مش عارفة اسافر ازاى وطنط فى الظروف اللى هما فيها دى..

صفية:-هنعمل ايه يابنتى ربنا يكون في عونهم ويقويهم ويقومه ليهم بالسلامه..

كاريمان:-يارب صحيح ماما ماتنسيش تودى الولاد بعد المدرسة لجدتهم يعنى يمكن يهونوا عليها شوية..

صفيه:-من غير ماتقولي يابنتى ..

كاريمان:-طيب همشي أنا بقى عشان لسه هعدى عليهم..

صفية:-ماشي يابنتى ربنا يرجعك بالسلامة..

قبلت كاريمان يد والدتها واخذت حقيبة سفرها وخرجت من غرفتها وذهبت للباب لتفتحه لتتفاجئ به امامها..

كاريمان بدهشة:-هانى ،ثم حدثته بغضب:-خير جاى هنا ليه ياكابتن..

هانى:-ممكن نتكلم شوية ياكاريمان..

كاريمان:-مع الاسف زى ماانت شايف عندى طيارة ومش هينفع اقعد عن اذنك..

هانى:-كاريمان ارجوكى لازم نتكلم فى موضوع مهم لازم نتكلم فيه..

انصاعت كاريمان لكلامه وادخلته لتتفاجئ صفية بوجوده ولكنها لم تعلق ..

كاريمان:-اتفضل وياريت تتكلم بسرعه عشان مشغولة..