مابعد الحب الجزء الثانى﴿ حب أعماه الانتقام﴾

وداع غالى

بعد مرور شهر على ابطالنا تحديدا بعد وصول ادم وشيرين ......
-----------------
بسم الله الرحمن الرحيم... {ياأيتها النفس المطمئنه إرجعى إلى ربك راضية مرضية وادخلى فى عبادى وادخلى جنتى}..صدق الله العظيم.

انتهى الشيخ من تلاوته لأيات القرأن الكريم ليقف هو يأخذ العزاء والدموع متحجرة بعينيه متماسك ظاهريا ولكن من داخله يشعر وكأن احدهم ضربه بنصل حاد بقلبه ولكنه ظل متماسكا هكذا حتى لاينهار كل من حوله وتحديدا هى امه فمن مات ذاك هو كل دنيتها وحياتها لابد ان يقف يساندهاويساعدها على تحمل تلك الفاجعه التى اصابتهم وفجاة استمع لصوت صراخ يأتى من الاعلى ليصعد سريعا ليرى مايحدث.....
------------------------------------------
فى منزل سمر بلندن...
كانت سمر تتحرك بتوتر بغرفتها منتظرة هاتفها يرن برقمه ولكن دون فائده لتدخل عليها والدتها تزفر بضيق....

رباب:_وبعدين بقى معاكى ياسمر انتى هتفضلى كده كتير متوترة وموترانى معاكى.

سمر:_يامامى ده من ساعه من سافروهو مكلمنيش ولامرة وانا كده ابتديت اتوتر.

رباب:_امم ... يعنى خايفه اهوه لاحسن مامته تقوله الحقيقه ويصدقها او يرجع لمراته وينساكى.

سمر بغرور:_لاء سمر نعمانى عمرها ماتتنسي انا محدش يقدر يهزمنى وعامر بكرة هيجى لحد عندى هو بنفسه يعتذرلى عن كل حاجه انا مش هسيبه يبعد مش بمزاجه يامامى مش بعد مارتبت لكل اللى حصل ومقابلتنا وبسهولة كده اسيبه يبعد لاء والف لاء ولو حصل همسحه من على وش الارض.

رباب:_انا ابتديت اخاف منك ياسمر واخاف عليكى من الغل اللى جواكى.

سمر وهى تقترب من امها تمسك كف يدها بابتسامه:_متخافيش ياروبى عليا انا عارفه بعمل ايه وهعمل ايه .

رباب:_زى اللى عملتيه مع قمر لما روحتى ليها وقولتلها تبعد جوزها عنك.

سمر بضحكه شيطانية:_هههههه بالظبط كده عامر ده بقى ليا ومش هسمح لحد ياخدوا منى واللى هيحاول انا هنسفه هقتله ياروبى .

رباب:_طب خدى بالك بقى عشان احساسي بيقولى ان عامر ده مش سهل ماشي.

سمر:_تؤتؤتؤ عامر ده قصاد الكل عاملى فيها اسد لكن يجى عندى انا ويقلب لقطه وديعه عامر بيموت فى التراب اللى بمشي عليه ولسه هيموت اكتر....فجاة رن هاتفها برقمه لتنظر لوالدتها بابتسامه ماكرة:_قولتلك مايقدرش يبعد عنى ولو ثانية

رباب بلهفه:_طب ردي عليه قبل مايفصل .

سمر:_كده يبقى غلط ياروبى لانى لو رديت دلوقتى يفتكر انى كنت مستنى مكالمته وده بقى انا مش عاوزة اوصلهوله لازم يعرف انه لما يبطل يتصل هيتعاقب وعقابه كبير كمان.......
ظلت سمر تنظر لهاتفها الذى ظل يضئ باسمه وهى تبتسم لهاتفها بانتصار.
-------------------------------------------
فى منزل سعد الشافعى..