مابعد الحب الجزء الثانى﴿ حب أعماه الانتقام﴾

عذاب الحب(١)

فى بيت ماجد الجنيدى...

كانت تجلس ملك ممسكه بهاتفها  بيد تحدث بها خالتها وبيدها الاخرى تطعم يوسف...

ملك بهمس:_الصراحه ياخالتو انا مش عارفة اعمل ايه ماما زينه صعبانه عليا وماجد كمان بس ماباليد حيلة..

اميرة:_الصراحه يابنتى ربنا يكون فى عونكم الاخبار اللى بقراها ماتطمنش حتى عمك الله يجازيه عمال كل شوية يجى ويرمى كلام على ماجد وعيلته وعمال يقول ايش ضمنى ان الواد مايطلعش لخاله ويكون هو كمان بيتاجر فى السلاح ولا المخدرات ...

انفعلت ملك بشدة عندما استمعت لحديث عمها وتركت يوسف ووقفت تحدث خالته بحده قائلة:_كدب لا ماجد ولا اونكل سليمان كده انا مش فاهمه هو عمى عاوز منى ايه مش مكفيه اللى ماجد عمله معاه وحقى اللى اخده ايه هو مش عاوز يسبنى فى حالى ليه..

اميرة:_اهدى شوية ياملك اهو انا ماكنتش عاوزة اقولك عشان عصبيتك دى وبعدين ياحبيبتى انتى عارفه عمك ماشي ورا كلام ولاده..

ملك بعصبيه:_اه وولاده دول بيتمنوا انهم يخربوا حياتى وليه عشان واحد كان حاطط عينه على ورثى والتانى حاطط عينه عليا وكان عاوز يتجوزنى..

اميرة:_ملك اهدى واطمنى عمك بيتكلم معايا وا....

ملك مقاطعه:_هو دلوقتى بيتكلم معاكى لكن ممكن يجى ويتكلم مع ماجد ويجرحه وانتى عارفه عمى وكلامه ،ثم بدأ صوتها يتأثر بالبكاء:_خالتو ارجوكى امنعى عمى من انه يقابل ماجد انا مش عارفه هو عاوز منى ايه انا مرتاحه فى حياتى وبحب ماجد هو عاوز منى ايه...لتشعر بعدها بيد تحاوط خصرها من الخلف لتشهق برعب والهاتف يقع من يدها لتلتفت لترى ماجد يقف محتضنها مبتسما لها قائلا بهمس:_هو انا قولتلك قبل كده انى بحبك بجنون..

ابتسمت له ملك من بين دموعها وهى تهز رأسها بنفى ليظل يطالعها ماجد بحب للحظات ليقترب هو منها يمسح دموعها بشفتيه وملك مغمضة العينين للحظات نسوا بها كل شئ لتبعده ملك عنها برفق باسمه:_يوسف ياماجد..

اجابها ماجد:_ماله يوسف ..

ضحكت ملك بخفوت:_يوسف هنا ثم انتبهت الى انها كانت تحدث خالتها لتبتعد عنه مسرعه تبحث عن هاتفها لتجد واقعا بالقرب من احد المقاعد لتسرع اليه تأخذه وترد على خالتها ولكن دون فائدة لتنظر لماجد شرزا قائلة:_عاجبك كده اهى خالتو قفلت السكه واكيد اكيد هتتخض عليا دلوقتى خمسين مرة اقولك ياماجد بطل حركاتك دى لكن مافيش فايده..

نظر لها ماجد ببراءة وهو يداعب يوسف:_الله اعمل ايه يعنى وانا بسمع مراتى وحبيبتى وهى بتقول وتعترف بلسانها بحبها ليا اقف ساكت يعنى ولا ايه رايك بقى ياجو،ليغمغم بعدها الطفل بكلمات غير مفهومه وبالاخير نطق كلمه ماما لينظر له ماجد بسعادة اما ملك عند سماعها لتلك الكلمه وقع ماكان بيدها وتوقف الزمن بها للحظات لتجد نفسها تضحك ودموع تسيل من عينيها :_ماجد هو قال ايه انا سمعت صح مش كده..