مابعد الحب الجزء الثانى﴿ حب أعماه الانتقام﴾

حلو ومر

وصلت شيرين للمشفى هى وليلى بدون امينه بعد اقناع طويل من ليلى بضرورة عدم وجودها تحسبا لأي شئ قد يحدث..
اسرعت شيرين عندما رأت رحمه امامها لتسألها بلهفه عن حالة غادة

شيرين:_دكتور رحمه..

رحمه باسمه:_ايوه ..لحظه مش حضرتك بردوا مدام ..شيرين مش كده.

اومأت لها شيرين باسمه لتسألها بلهفة :_انا دكتور محمود طلبنى من شوية وقالى انى اجى بسرعه اشوف غادة هو حصلها حاجه..

رحمه:_ غاده سليم مش كده اللى فى اوضه ١٠٦ صح ..

اومأت لها شيرين بقلق بينما حدثتها رحمه باطمئنان :_متقلقيش هو كويسة جدا جدا وفى خبر حلو كمان حباكى تشوفيه بنفسك..

نظرت شيرين الى ليلى بقلق لتمسك يدها بدون ان تشعر لتبادر ليلى رحمه بتساؤل:_خير هى غادة حصلها حاجه..

نظرت لها رحمه كثيرا وكانها تحاول ان تتذكر اين رأتها من قبل ولكن لم يسعفها عقلها لتطمئنهم سريعا:_لاء لاء متقلقوش مافيش حاجه خطر بالعكس وعشان كده احنا طلبناكى .

امسكت ليلى يد شيرين بقوة تدعمها ليذهبا معا وراء رحمه حتى غرفه غادة لتقف رحمه تنظر لغادة من وراء الحاجز الزجاجى وهى تحدثهم قائلة:_انهاردة الصبح تحديدا بعد زيارة مروان لها دخلت الممرضه كالعادة عشان تطمن على حالتها دخلت والمفاجأة لاقت عنيها مفتوحه حاولت تكلمها لكن هى ماردتش كل اللى قالته انها همست بأسم شخص واحد بس....

شيرين بلهفه وفرح:_بجد يادكتور يعنى غادة فاقت طب مين اللى سألت عليه ده باباها..

رحمه:_ الصراحه معرفش هى قالت واحد اسمه مراد ومن بعدها مانطقتش بحرف هو يقربلها ايه بالظبط ..

ليلى بهمس حزينه:_مراد..ياريته كان هنا ياريت.

شيرين:_ مراد ده يبقى عمها وهى بتحبه ومتعلقه بيه بس مع الاسف هو مش هنا مسافر..

رحمه:_خلاص كلموه خليه يجى بسرعه يمكن وجوده بالنسبة ليها يكون دافع انها ترجع زى الاول..

شيرين بأسف:_مع الاسف مراد مسافر ومحدش عارف هو فين لا نقدر نوصله....

رحمه:_اممم اوكيه مافيش مشكلة على فكرة احنا حاولنا نتواصل مع استاذ ادم واستاذ مروان لكن تليفوناتهم مقفولة عشان كده اتصلنا بيكى...

شيرين:_معلش اصله حصل ظرف طارئ و...

قاطعتها رحمه مبتسمه:_مافيش مشاكل احنا بس اتصلنا بيكى لان دكتور محمود قال انك انتى صاحبة فكرة انكم تدخلوا تكلموها يمكن تستجيب وفعلا حصل اللى توقعتيه ودلوقتى انتى ممكن تقدرى تشوفيها بس لو حصل وظهر اى رد فعل معاكس غير متوقع ارجوكى اخرجى بسرعه عشان حالتها يعنى لسه مش مستقرة....

اومأت شيرين مبتسمه والدموع تتجمع بعينيها لتحذرها رحمه قائله:_لاء احنا مش عاوزين دموع لازم تتماسكى احنا هنا عشان ندعمها مش نضعفها ..