مابعد الحب الجزء الثانى﴿ حب أعماه الانتقام﴾

وقت من السعادة

فى صباح اليوم التالى..

فى بيت ايمن...
استيقظ ايمن عالعادة على صوت صراخ نهلة الصغيرة ليفيق مبتسما يحدث ابنته الرضيعه:_صباح الخير يااميرتى من على وش الصبح كده صريخ ايه يابابا مش اتفقنا نصحى حلوين عشان جدو مايقلقش هو ك...ياحبيبتى انتى مولعه كده ليه..انتفض بعدها يغير ملابسه وملابسها على عجالة لينزل بها مسرعا لاقرب مشفى يرى ما اصابها ليفتح الباب ليجد سلمى امامه تطالعه بدهشة تقول:_ايه مالك لابس وواخدها معاك كده على فين ونونا بتعيط كده ليه مالها..

اجابها ايمن مسرعا وهو يبتعد من امامها حاملا لنهلة بين يديه وهى تصرخ:_نهلة تعبانه ياسلمى صحيت الصبح لاقيتها مولعه نار فقولت اروح المستشفى يشوفوا فيها ايه معلش ياسلمى خلى بالك على عمى عقبال مااطمن عليها هو مايعرفش حاجه وهو لسه نايم اصلا ماحبتش اقلقه.

سلمى بقلق:_لاء انا هاجى معاك مش هبقى مطمنه وانا قاعده كده معرفش مالها ولا فيها ايه..

ايمن وهو يحمل الصغيرة التى مازالت تصرخ:_طب وعمى .

سلمى وهى تنزل معه مسرعه:_هكلم بابا يعدى يقعد معاه واقوله يقولوا ان احنا روحنا نطعم نهلة وانت طلبت منى اجي معاك عشان مش عارف تتصرف يعنى اوكيه..

اومأ لها ايمن ونزلا سويا مسرعين  ليذهبا لاقرب مشفى ليطمئنوا عليها..
-------------------------------------------
فى احد افخم الفنادق بالقاهرة..
استيقظت شيرين من نومها وعلى وجهها ابتسامه عاشقه حاولت ان تتحرك ولكنها وجدت يده موضوعه على خصرها يحتضنها بشده لتدير رأسها اليه لتجده نائما غارقا بنومه لم تشأ ان تقلق نومه بل ظلت تتطلع اليه تحفظ ملامحه تريد ان تشبع عينيها منه تحفر ملامحه بقلبها وعقلها توشمه بداخلها نظرت لموضع يده على خصرها لتبتسم بألم لتحدث نفسها قائلة:_سامحنى ياادم انا عارفه انك ممكن تنسي اى حاجه غير ده بس غصب عنى انا عارفه انه من حقك تعرف بوجوده لكن كده احسن عالعموم هو دلوقتى حاسس بيك كان نفسي اشوف فرحتك لما تعرف انى حامل سامحنى عشانه لتأتى بعقلها ذكرى حديثه معها بالبارحه عندما سألته ...

#فلاش باك#
كانت شيرين تقف امام المرآه بتلك الغرفه التى قررحجزها ادم لهم شارده فادم قرر ذلك ليحاول اسعادها وينسيها ايضا ولو ليلة الحزن والألم التى يعيشان به لتتفاجى به يقف ورائها يحتضن خصرها يتطلع لها بحب وهو يستند برأسه على كتفها لتسمعه يهمس لها:_عمرك شوفتى قمر بيشوف نفسه فى المراية ..

لتبتسم له قائلة:_انت فعلا قمر ..

ادم وهو يتطلع لها بغرابه:_حبيبتى انتى تعرفى المثل اللى بيقول القرد فى عين امه غزال..

ضحكت شيرين بشده على كلامه ذاك لتقول :_انت بتجيب الكلام ده منين..

ادم:_من ماجد افندى طبعا..

استدارت تطالعه بدهشة لتقول:_ماجد اخويا اللى متربى تقريبا برا طول عمره هو اللى قال كده معقولة دى..