مابعد الحب الجزء الثانى﴿ حب أعماه الانتقام﴾

صفعات القدر(١)

فى صباح اليوم التالى..

استيقظت شيرين وعلى وجهها ابتسامه سعيده تتذكر كل مافعله لها ادم بالبارحه فهو لم يرفض لها طلب كانت تطلبه خاصا عندما ارادت ان تتمشي قليلا على البحر وافق دون اعتراض ودائما كان يسعى لاسعادها فقط لم يبخل بشئ عليها ولم يمل منها ظلت هى شاردة مبتسمه تتذكر ما حدث بالامس حتى انها لم تشعر به وهو يجلس بجوارها على الفراش وهو بكامل اناقته يقبل وجنتها باسما:_صباح الخير يااحلى من عمرى، امم سرحانه من اولها،هاه اعترفى سرحانه فى مين بقى قولى بسرعه.

تطلعت له شيرين بحب مبتسمه وهى تحتضن وجه بين يديها:_سرحانه فى واحد بحبه اكتر من روحى،واحد هو كل حياتى ،وعمرى اللى جاى كله ليه وبيه.

ادم بعبوس زائف:_وياترى مين بقى ده اللى بتحبيه كل الحب ده انا كده هغير.

شيرين:_لا ماتخافش مش حد غريب واحد كده اسمه ادم الزينى بس ايه احلى واجمل وارق راجل فى الدنيا دى كلها.

ادم وهو يميل بوجه على يدها يقبلها:_امم تعرفى انه هو كمان بحبك اكتر من روحه وعمره ما قلبه هيدق لغيرك ولحضنه هيكون لغيرك.

اقتربت شيرين منه ترتمى بحضنه مبتسمه:_وانا كمان بحبك اوى وكل يوم بدعى ربنا انه يخليك ليا ومعاياوتفضل تحبنى كده لحد ماتقول اكتفيت.

ادم بعشق:_انا عمرى ماهكتفى من حبك هفضل احبك لحد اخر عمرى.

ظلوا للحظات ينظروا لبعضهم البعض بعشق حتى تحدث ادم بمرح:_ياريتنا نفضل كده على طول،تعرفى انا بفكر انقل مقر الشركه لهنا ونشتغل من هنا عالاقل اقدر احبك براحتى.

ابتعدت عنه شيرين ضاحكه:اااه وده يبقى شغل بقى حضرتك.

ادم وهو يقترب منها يسند بجبهته على جبهتها باسما:_هو فى احلى من كده شغل.

وعندما اقترب منها ليقبلها بعشق صدح صوت هاتفه فجاة ليزفر هو فى ضيق :_استغفر الله العظيم هو مش نافع ابدا نشتغل فى هدوء من غير ماحد رخم يرزل علينا..

لتدفعه شيرين برفق ضاحكه تغيظه:_احسن روح شوف شغلك ياباشمهندس.

ادم وهو يطالعها بغضب زائف:_بقى كده ماشي ياشيرين كل مرة بتهربى منى بسبب الزفت ده المرة الجاية هقفله لاء ده انا هرميه هكسره عشان ماتعرفيش تهربى منى ابدا.

لتنطلق هى من امامه هاربة وهى تضحك بشده بينما هو ذهب بعدها مبتسما ليرد على هاتفه:_الو ايوه ياعامر.

عامر:_ادم تعالا دلوقتى وحالا فى كارثه فى الموقع الجديد تعالا بسرعه.

وقتها تحول وجه من السعادة للقلق ليهتف:_طيب ياعامر ثوانى وهتلاقينى قودامك سلام.

اسرعت شيرين اليه بعدما رأت تحول ملامح وجه ادم للغضب بتلك السرعه تحدثه بقلق:_فى ايه ياادم فى حاجه حصلت