مابعد الحب الجزء الثانى﴿ حب أعماه الانتقام﴾

45يوم

بالصباح..

ارتدت صبا ثيابها واستعدت للخروج لتجد اكرم بالاسفل يتطلع لها بتساؤل:-خير على فين كده؟؟

صبا:-عادى رايحه الشركة عشان اعرفلك حصل ايه ونفهم هنمشي فى الخطه ازاى..

وقتها طالعها بدهشة:-ازاى ده ومن امتى..

صبا:- أنا فكرت مع نفسي وخلاص اقتنعت بوجه نظرك ومن انهارده قررت انفذ وبس، انت صح اللى غلط لازم يتحاسب لازم كلهم يدفعوا التمن مش احنا وبس اللى ننداس وهما يبقوا سعدا وعايشين ولاكأننا موجودين انت صح يااكرم صح..

وقتها طالعها اكرم بغرابة:-انتى بتتكلمى جد يعنى مش هتقوليلى بلاش الاذية وبلاش انتقام مش هيبقى له فايدة..

اقتربت منه صبا مبتسمه وهى تمد يدها تتعلق برقبته:-انسي ده كان ماضي وفات أعتبرنى كنت مجنونه وعقلت او عيانه وشفيت المهم انك تنسي صبا بتاعت زمان دى خلاص ماتت قتلتها

اكرم:-ودلوقتى اللى قودامى دى تبقى...

صبا:-تبقى صبا جديدة قررت انى ابقى معاك لاخر العمر أنا وعدتك يااكرم انى هفضل معاك مش هسيبك ..

تطلع لها اكرم مبتسما وبداخله شك تجاهها،لتنظر له مبتسمه تودعه:-حبيبى أنا لازم امشي عشان مااتأخرش سلام..

تحركت صبا من امامه وهى بداخلها تعلم جيدا ان اكرم لم يكن يصدق من حديثها معه شئ حتى انها تعلم انه سوف يجند احدا لمراقبتها ومعرفة كل شئ عنها، لتبتسم بدهاء وهى تردد بداخلها:-اعمل اللى أنت عاوزه من هنا وجاى مش هتشوف ولا هتعرف غير اللى أنا عاوزة اعرفهولك واقولهولك خلاص عهدك انتهى ياجناب السلطان...
----------------------------------------------------------
استيقظ ادم من نومه ليجد شيرين بجواره تتطلع له مبتسمه..

ادم بمزاح:-بسم الله الرحمن الرحيم ..

وقتها طالعته شيرين شرزا وهى تلكزه بكتفه بخفه:-ايه حضرتك شوفت عفريت عالصبح..

حدثها ادم بصوت ناعس مازح:-لاء شوفت اللى احلى من العفريت ،بعبع..

نظرت له شيرين بغيظ:-بقى انا بعبع ياادم ماشي أنا غلطانه انى صاحية من الصبح وعمالة ابص فى وشك واتأمل فيك عشان البيبى يبقى شبهك وفى الاخر تقولى بعبع ماشي..

ضحك ادم بقوة وهو يقوم من الفراش مسرعا يعترض طريقها ليجدها تطالعه بغضب ولوم:-بقى انتى تصدقى كده تصدقى انى اقول عليكى كده ده أنا ابقى مجنون..

شيرين:-والله ..

ادم:-والله ..ثم حملها فجأة لتصرخ به تمنعه، ليقول:-احنا اتفقنا على ايه امبارح مش اتفقنا أننا نفضل فى السرير طول فترة الحمل..

شيرين:-ايوة بس أنا..

ادم:-مافيش بس فى حاضر هسمع للكلام ياحبيبى..