مابعد الحب الجزء الثانى﴿ حب أعماه الانتقام﴾

حبى الضائع

قرائى الاعزاء ...

حبيت اعتذرلكم عن تأخيرى عليكم بس ده شئ خارج عن ارادتى يارب تعذرونى ولتانى مرة بكرر اعتذارى...

والان نزيح الستار عن بارت جديد ممتلئ بالاسرار...

ودلوقتى اسيبكم مع البارت الجديد اتمنى لكم قراءة ممتعه..

&&&&&&&&&&&&&&&&&
فى منزل دكتور برهان ..

كانت رحمه تجلس على فراشها بغرفتها تطالع سقفها بشرود وهى تتذكر الماضي بكل اوجاعه وآلامه لتخرج من شرودها على صوت دقات خفيفه عالباب لتتوقع ان من بالخارج لم يكن غير والدها لتأذن له بالدخول ليدخل والدها لها مبتسما يقول..
:_كنت عارف انى هلاقيكى صاحية قلبى قالى وطلع صادق..

رحمه باسمه:_اصلى مش جايلى نوم قلقانه ،ده انا كنت لسه هنزل لحضرتك اشوفك صاحى ولا لاء ونقعد سوا..

برهان:_وادينى وفرت عليكى وجيتلك بنفسي عشان نتكلم سوا..

رحمه:_خير يابابا حضرتك كنت عاوزنى فى حاجه..

برهان:_انت عارفه ان ابوكى عمره ماحب اللف والدوران فى حياته صح..

رحمه:_صح بس فى ايه لكل ده يابابا.

برهان بدون تردد:_عبدالله يارحمه ،نظرت رحمه لوالدها بارتباك وصمت غير قادرة على التحدث او النطق بكلمه ليكمل برهان حديثه معها قائلا بصوت هادئ حنون:_مجاش الوقت اللى تعرفينى وتعرفيه الحقيقة ..

رحمه بارتباك:_حق..حقيقه ايه دى يابابا انا مش فاهمه حضرتك بتقول ايه وبتتكلم عن ايه..

برهان:_رحمه اظن انى بدأت كلامى معاكى بانى مابحبش اللف والدوران مش كده .

رحمه:_ايوة يابابا بس....

برهان مقاطعا بعصبية طفيفه:_رحمه انا لازم افهم اللى. حصل زمان واعرف سببه سامعه.

رحمه بعصبية وارتباك:_قولت محصلش حاجه انا اكتشفت انى بحب سامح لما بعدت عنه وان قربى من عبدالله ده كان مجرد انجذاب مش اكتر حبى لسامح كان اقوى منى..

برهان:_انتى بتضحكى على مين هاه حبك لعبدالله كان واضح للكل وانا قبلهم وضوح الشمس انتى عمرك ماحبيتى الزفت اللى اسمه سامح ده فاهمه..

رحمه بصوت باكى :_لاء انا كنت بحب سامح انا كنت بحب سامح ايه محدش مصدقنى ارحمونى بقى ارحمونى حرام والله حر..ا..م،بدا صوتها يخفت تدريجيا لتشعر بعدها بالغرفه وهى تدور بها والظلام يغشي عينيها وهى مرحبة لتقع بعدها مغشيا عليها...
-------------------------------------------
فى بيت امينه..

بعد منتصف الليل...

ظل عبدالله حبيس غرفته يشعر بالغضب من نفسه لاحزانه وجرحه لاخيه ليخرج بعد فترة من غرفته قاصدا غرفه اخيه ليعتذر منه ظل واقفا للحظات امام باب غرفته مترددا قبل ان يطرقه ليقرر بعدها ان يدخل اليه ويحدث مايحدث وبالفعل طرق بابه مرة اثنان وبالثالثة دخل دون استئذان ولكنه لم يجده وجد غرفته مظلمه معتمه وهو لم يكن بها ، شعر عبدالله بالضيق اكثر من نفسه وقرر ان يذهب لعمته ليحكى لها كل شئ ويعرف منها الطريقه التى يعتذر بها لاخيه وعندما وصل لعمته سمع صوت طارق وهو يحدثها بصوت متعب وحزين قائلا:_انا تعبت ياعمتى تعبت من كل واحد بيجى عليا ويظلمنى تعبت الكل شايفنى قاسي جانى محدش عمره شافنى المجنى عليه كله ظالمنى مع انى انا المظلوم مش الظالم ،انا اتولدت وعيشت كام سنه مع ابويا وامى مش فاكرهم بس ملامحهم مش قادر انساها، اتحرمت منهم وانا عندى تسع او عشر سنين مش فاكر بس كل اللى فاكره زيارة اكرم بيه وهو بيقولك ان اخوه هو السبب فى موتهم عارفه يعنى ايه طفل صغير يسمع الكلام ده ويفضل حافظه جواه لحد مايكبر وياخد بتاره ،وكبرت وربتينى وشوفتك وانتى صابرة ومستنية ربنا يجيبلك حقك ساعات كنت بشوفها انهزامية وساعات كنت بشوفها قوة ولما قررت اعمل زيك وانسي والتفت لحياتى وشغلى ومستقبلى قابلتها وقتها حسيت ان هى دى اللى هتعوضنى عن كل شئ وحش ومر شوفتوا بحياتى كانت بسمتى بس اللى معملتش حسابه انها تبقى مره،بعد حبى اللى حبتهولها سابتنى وراحت تتجوز واحد تانى عشان الفلوس سابتنى عشان تحقق حلمها بانها تبقى ام طمعت وفى الاخر ماطالتش حاجه مع انها لو كانت صارحتنى بكل شئ كنت وقفت جمبها وفحت فى الصخر عشان احققلها اللى بتتمناه لكن هى اختارت السهل وبعدت ،ثم قام بمسح دموعه التى كانت تسيل على وجه ثم نظر لعمته ساخرا :_عمرك شوفتى ياعمتى واحد عاش ربع اللى عيشته وفى الاخر الكل بيجيب عليه اللوم الكل بيتهموا انه قاسي وقلبه حجر بعد كل اللى مريت بيه ده بقيت قاسي وقلبى حجر انا ..