مابعد الحب الجزء الثانى﴿ حب أعماه الانتقام﴾

مفتاح الحياة

ببيت سعد والد ايهاب..
كانت مشيرة تجلس وحيده على طاولة الطعام ككل يوم منذ ان تركها سعد انفصلت عن العالم اصبحت تعيش حياتها بين الذكريات والصور التى تجمع بينها وبين زوجها وابنها ..
دلفت اسما خادمتها اليها وهى تشفق على حالتها تلك لتقول:_مدام مشيرة كده مش هينفع كده انتى بقالك فترة لابتاكلى كويس ولا حتى بتنامى طب تحبى اطلبلك مدام سهيلة ت...

صرخت بها مشيرة:_لاء سهيلة لاء انا مش عاوزة اشوفها هنا نهائي هى السبب هى السبب فى اللى احنا فيه..

اسما وهى تومئ لها بأسف:_تحت امرك يافندم بس ارجوكى تاكلى انتى وشك بقى تعبان خالص ..

مشيرة:_روحى يااسما نادى على عم هلال هو وبدرية خليهم يشيلوا الاكل ده انا ماليش نفس...

بتلك اللحظه دق جرس الباب لتحدثها مشيره بتعب:_اسما انا مش عاوزة اشوف حد ماشي..

اومأت لها اسما بطاعه لتذهب سريعا وتفتح الباب بينما مشيرة قامت من مكانها لتصعد غرفتها ،وجدت اسما ان سهيلة اخت مشيرة هى من كانت عالباب ومعها هدى ابنتها لتدفعها سهيلة من امامها بغضب وعنجهية:_روحى نادى عالهانم بتاعتك وبلغيها ان احنا جينا وخلى الراجل الخرفان اللى جوه ده هو والبت اللى معاكوا يجوا يشيلوا الشنط يطلعوها فوق يلا..

اسما بتوتر:_بس ياهانم مدام مشيرة كانت....

سهيله باستعلاء:_هشششش انتى تخرسي خالص وتمشي من سكات تنفذى اللى قولت عليه مفهوم.

بتلك اللحظه هتفت مشيرةبهم بعصبية وصوت حاد:_انتى ايه اللى جابك هنا ايه انتى ليكى عين بعد كل اللى عملتيه فيا تدخلى لهنا تانى يابجاحتك ياشيخه خدى بنتك دى وامشي اطلعوا برا بيتى.

طالعتها سهيلة بدهشة ما ان تحولت لصوت ضحكات ساخرة:_والله وده من امتى يااختى العزيزة ،اذا كنا هنتكلم عن الطرد فانا اللى ليا الحق انى اطردك من هنا مش انتى..

طالعتها مشيرة بصدمه لتكمل هدى ابنتها الحديث مبتسمه بسخرية:_تؤتؤ يامامى بلاش كده دى مهما كان خالتو بردوا..

مشيرة وهى تطالعها بدهشة لتهتف بعدها بسخرية مماثلة:_لا والله وفيكى الخير يابنت اختى ،ثم هتفت بغضب وعصبية بأسما التى كانت تقف تشاهد كل مايدور امامها وتشعر بالشفقه على سيدتها لتسمعها تقول:_اسما طلعى الزبالة دول برا الحية وبنتها دى ..

هدى بدهشة:_احنا زبالة ومامى حية بقى كده ياخالتو بقى كده..

سهيلة ببرود:_سبيها يادودو الزبالة اللى هتترمى مش احنا حد تانى غيرنا ،مشمش ياحبيبتى انتى مش واخده بالك ان هدى مرات ايهاب وانها لسه على زمته مااتطلقوش ده اولا ،اما بقى ثانيا وده الاهم ان الفيلا دى مكتوبه باسم ابنك سعد جوزك كتبها باسمه وبما انها بأسمه يبقى الفيلا دى ملك لواحده بس وهى مراته بنتى يعنى لو على اللى هينطرد برا يبقى شخص واحد هو انتى،انتى وبس..