مابعد الحب الجزء الثانى﴿ حب أعماه الانتقام﴾

م البداية

م البداية قولتلك ان مش دايما يكون الحب كافي

والحياة ليها حسبة تانية يومها نزلت دمعة منك فوق كتافي

قولتي حاول قولت حاضر بس اوعي ماتكمليش

لو حتمشي امشي حالا لو فضلتي ماتبعديش

انا ماكنتش عايز اعلق نفسي بحب نهايته جروح

ليالي ابني في وهم وحلم وييجي في ثانية دة كله يروح

واديني خدت نصيبي من حبيبي جرح قاسي كبير

ساعات لما الجرح بييجي بسرعة بيبقى اهون بكتير

م البداية قولتلك وانتي كنتي حتى رافضة تسمعيني

والنهاردة انا بسألك اعمل ايه في قلبي اللي حبك فهميني

صعب اسامحك بعد جرحك واللي اصعب اني اعيش

بس عارفة حتوحشيني حتى لو ماسامحتكيش....
-------------------------------------------
--------------------------
بتلك اللحظه اتت فريدة اليهم لتجدهم يقفوا معا وهم يضحكون لتبتسم لرؤيتهم هكذا وهى تربت على كتف كلامنهم باسمه:_يااااه من زمان ماشفتش الضحكه على وشكم كده ولا حتى شوفتكم متجمعين مع بعض كده..

مراد باسما:_من هنا وجاى هتشوفينا مع بعض ومن هنا وجاى هنضحك ومش هنبطل ضحك ابدا صح ياكابتن..

ادم:_صح ياكوتش ماهو البركه فى ليلى صح بردوا..

تطلع له مراد بتحذير لينظر الثانى اليه باسمه بينما ظلت فريدة تقف بالمنتصف تتطلع لهم باسمه وهى تقول:_هو فى ايه بالظبط مالك بتبص لاخوك كده ليه وكأنه عمل جريمه عادى يعنى ليلى بنت صاحبك الصراحه هى ملاك وزى...

قاطعها ادم مازحا:_ليلى بنت صاحبه انتى طيبة اوى ياامى بقولك ليلى...ليلى وانتى تقوليلى بنت صاحبه..

فريده:_ليلى..ليلى يعنى هتكون ليلى بنت اخت امينه يعنى..

ادم باسما:_ايه بالظبط كده انتى معانا عالخط..

تطلعت لمراد بدهشة لتقول:_بجد يامراد انت بتحب ليلى،هى دى اللى كلمتنى عنها زمان..

مراد:_ايوة ياماما هى دى البنت اللى كنت حاكيلك عنها زمان واللى حصل بعدنا شوية بس رجعنا تانى وخلاص مش ناوى اسيبها تانى امى ليلى كانت اول حاجه افتكرتها اول مافوقت من اللى كنت فيه..

ربتت فريده على كتفه باسمه:_خلاص يبقى من هنا وجاى ليلى بقت مرات ابنى وانا هتعامل على الاساس ده وماليش دعوة خلاص المهم اخوك لازم يعرف ولا اقولك هو اصلا سليم معجب بيها من وقت ماشافها ولمح لي بس انا قولتله انك كنت مكلمنى عن واحده بس ماكنتش...

ليأتى سليم من ورائهم يهتف بسعادة:_بس انا كنت عارف يافريدة قلبى قالى من اول ماشوفتها وانا حاسس تحديدا لما لاقيت نظره عيونهم لبعض وبعدين البنت اول ماشافت ابنك اغم عليها وهو كمان كان عامل زى المجنون اول ما وقعت..