مابعد الحب الجزء الثانى﴿ حب أعماه الانتقام﴾

فرصه ثانية

انتظر ادم الجميع حتى ذهب واطمئن عليها ليقرر هو بالاخير ان يدخل هو الاخر ليراها ويطمئن عليها ولكنه كان متردد ليجد مراد يربت على كتفه مبتسما:_ادخل لها شوفها ياادم كلمها بالحب والخوف اللى جواك ليها قولها كل حاجه عاوز تقولها ليها كلمها ياادم خرج كل اللى جواك..

ادم:_خايف ادخل يحصلها حاجه..

مراد:_لاء ادخل وكلمها فى الحالة دى هى محتاجاك اكتر من اى حد محتاجه تسمع صوت اكتر واحد بتحبه وحافظت عليه بروحها..

ادم:_بس انا جرحتها اوى يامراد انا..

مراد مقاطعا:_اللى بيحب بيسامح ياخويا وهى بتحبك، المهم انك تكلمها عن حبك ليها كلمها عن احساسك وهى بعيده عنك بلاش تقولها عن اللى حصل بينكم قولها عن كل حاجه جميلة عيشتوها سوا سوا بسعاده وبس ماشي..

تطلع له ادم مبتسما بدموع :_خلاص هدخلها بس ..

مراد:_بس ايه تانى..

نظر ادم باتجاه معين ثم اعاد نظره لمراد مرة اخرى:_ليلى دى بتبصلى وكأنها هتقتلنى بعنيها.

ابتسم مراد وظل يتطلع لها مبتسما بهيام:_اظاهر ان انا كمان محتاج اتكلم معاها زيك، المهم دلوقتى ادخل لشيرين ومالكش دعوة بيها انا هتكفل بيها ادخل .

ربت ادم على كتف مراد:_ربنا يعينك..

ليذهب بعدها لغرفه شيرين تحت انظار ليلى الحانقه عليه،لتحاول ليلى ان تقف تمنعه من الدخول لتسبقها يد امينه تمنعها وهى تهمس لها:_اياكى ياليلى وبعدين هو مادخلش ولا اطمن حرام يابنتى..

ليلى بعصبية هامسة:_حرام واللى عمله فيها ده مش حرام ..

امينه:_خلاص ياليلى سامحى وانسي حتى عشان خاطر مراد ولا انتى ناسية مراد..

ليلى بانفعال:_ومال سي مراد باللى احنا بنقوله ده.

امينه وهى تطالعها باسمه:_مراد ابن اختك مش مراد الزينى يابنت اختى..

تطلعت ليلى لها بغضب لتظل واقفة مكانها صامته تنظر بساعتها وهى تحدثها:_ماشي ياماما بس هما خمس دقايق ويخرج لو ماخرجش هخرجه انا...

لتسمع بعدها لصوت مراد يقول:_بقول ايه ياجماعه وجودكوا هنا مش هينفعها بحاجه ولازم الكل يروح يرتاح عشان لما تفوق نبقى جمبها..

امينه:_بس انا مش هسيبها انا هفضل جمبها مش هرتاح وهى كده ابدا..

طارق:_طب على الاقل عشان خاطر مراد الصغير..

امينه بصوت باكى:_مش هقدر ياابنى مش هقدر قدروا اللى انا فيه دى بنتى ياناس.

وقتها تحدثت فريدة بصوت حزين:_خلاص ياطارق خلاص يامراد سيبوها على راحتها،روحوا انتوا وانا هفضل هنا مع امينه واكيد ادم هيفضل..