مابعد الحب الجزء الثانى﴿ حب أعماه الانتقام﴾

انتقام أعمى 1

بتلك اللحظه كانت صبا تستمع اليهم عن طريق جهاز التصنت التى وضعته ببدلة اخيها دون أن يشعر....

لتتحدث صبا مع نفسها بصوت هامس:-ياترى يااكرم تقصد امتى؟؟..وانا هتعب نفسي ليه بكرا هروح واديهم التسجيل ده ، المهم ماحدش يشوفنى والمهم يكون ده كله باسرع وقت ،انا لوماحدش كان يشك فيا كنت خرجت دلوقتي بس هقول ايه لاكرم لو سألنى مع الاسف مش هينفع، وهما كمان موصيني معرضش نفسي للخطر ...ثم تطلعت لنفسها بالمرآه مبتسمه بكره:-معلش بكرا مش بعيد بكرا كل حاجه هتنتهى يااكرم يايازجى زى مانهتني وقضيت عليا زمان انت وعزيز انا كمان جالى اليوم وهقضي عليك زى ما قضيت على عزيز صبرك عليا بكرا تشوف صبا العرابى هتعمل ايه...

لتتذكر صبا كل ماحدث معها منذ اسبوعان عندما ذهبت لصديقتها راندا..
##فلاش باك##

صبا بخوف:-راندا الدوا ده طلع ايه..

راندا:-مع الاسف ياصبا الدوا ده طلع مش دوا يخص الحمل الدوا ده طلع اا..

صبا بعصبية:-ماتنطقى ياراندا الدوا ده طلع ايه..

راندا:-الدوا ده بيسبب عقم مع الوقت ومش بس كده ده بيعمل تهتك للرحم وبيقضي على اى فرصه لوجود حمل فى المستقبل..

تطلعت لها صبا بصدمة لتحدثها:-طب والدوا ده عمل كده فعلا ليا..

طالعتها راندا بحزن والدموع تتجمع بعينيها:-للأسف ايوة..

وقتها صرخت صبا بوجع وهى تنفجر بالبكاء لتذهب إليها راندا مسرعة تحتضنها :-اهدى ياصبا اهدى ياحبيبتى انا هاخدلك حقك من الحيوان ده احنا نرفع عليه قضية و...

وقتها ضحكت صبا بقوة ساخرة:-قضية هترفعى قضية على مين يا راندا على واحد ميت فى نظر الناس ونظر القانون..

وقتها تطلعت لها راندا بصدمة:-يعنى ايه..

مسحت صبا دموعها بعنف قائلة باصرار:-يعنى أنا اللى هاخد تارى بنفسي مش هستنى حد ياخدوا بدالى..

راندا بخوف وقلق:-لاء ياصبا لاء ده غلط ارجوكى اسمعينى احنا نروح نبلغ عنه وتعرفى البوليس كل حاجة وقتها هتكونى خدتى بحقك فعلا صدقينى ..

تطلعت لها صبا للحظات ثم ردت بحزم:-راندا أنا موافقه أنا هبلغ عنه وعشان كده عاوزاكى تساعدينى تمام..

طالعتها راندا مبتسمه بحزن:-اكيد أنا مستعده اساعدك  المهم بلاش تأذي نفسك ارجوكى..

صبا:-وانا موافقه ..موافقه اخد حقى وتارى منه..

بعد مرور يومان ..

كانت صبا تتطلع للمديرية بخوف وقلق ورهبة لتشجعها راندا مبتسمه:-يلا ياصبا وافتكرى انك هتاخدى حقك وانا جمبك ماتخافيش...

اومأت لها صبا وهى تطلع باسمه بتوتر:-هو قريبك ده موجود .

راندا:-ماتقلقيش رمزي موجود ومستنينا كمان ..