مابعد الحب الجزء الثانى﴿ حب أعماه الانتقام﴾

حقد وانتقام

بتلك اللحظه دلف اكرم وهو يتطلع لها مبتسما بسخرية وهو يراها تغفو بسلام ليدنو منها يحدثها هامسا:-معلش بقى يابنت عمى قدرك ونصيبك تبقى زى قدر جدتك بس ماتقلقيش مش هقتلك دلوقتى هقتلك لما يجى حبيب القلب عشان ابقى اخدت تارى ، ليضع بعدها يده على بطنها وهو يتحدث باسف:-كان نفسي تتولدوا بس معلش مالكوش نصيب قدركم زى قدر ماما عمركم كده بقى ياحلوين نصيبكم ابوكم يبقى ادم الزينى ..

ليستقيم بعدها متطلعا لتلك السيدة ورائه:-غيري ليها الهدوم دى ولابسيها الهدوم اللى عندك ولما تفوق خليها تاكل واهتمى بيها كويس لحد ماارجع مش عاوزها تشتكى ولو للحظه أنا بحذرك..

اومات له بطاعة:-تحت امرك يافندم..

ليخرج بعدها تاركها معها لتتطلع لزوجها بغرابة هامسة:-هى مين دى يافتحى؟؟

فتحى:-مالناش دعوة يافردوس اعملى اللى الباشا قالك عليه وانتى ساكته..

فردوس بامتعاض:-طيب طيب أنا بس مستغربة يعنى هو خاطفها وبيعاملها كده ولاكأنها فى اوتيل خمس نجوم ..

لينظر لها فتحى بغضب ويأس ليتركها بعدها ليلحق باكرم ، لتتطلع هى إلى تلك النائمه بحسرة وحزن:-ياعينى عليكى ماحدش عارف ايه اللي مستنيكى انتى والغلبان التانى اللى جوا ده تلاقى جوزك هيموت عليكم،يلا وانا مالى اعمل اللى طلبه وخلاص اهوه الواحد يتقى شره..
----------------------------------------------------------
بوقت الفجر فى المشفى المتواجدة بها صبا تسلل هو بالخفاء ودلف لغرفتها بحذر ليغلق بعدها الباب ورائه وظل يقف يتطلع لها بصمت، واثناء تطلعه بها فتحت عينيها ببطء لتجده امامها لتشهق برعب وعندما كادت ان تصرخ وضع يده على فمها يسكتها هامسا:-هششش اهدى عشان خاطرى اهدى انا هشيل ايدى بس بلاش تصرخى وانا هفهمك ماشي..

اومأت له صبا بطاعة وخوف والدموع تسيل على خدها:-انت ازاى انت غازى انت..

غازى:-هشش اهدى أنا هو غازى ماتخافيش أنا عايش ماجراليش حاجة الحمد لله ..

وقتها تطلعت له صبا مبتسمه بدموع:-ازاى أنا مش قادرة اصدق ازاى انت كده اومال مين اللى مات وانفجرت بيه العربية..

غازى:-اطمنى ده الواد اللى كان اكرم مكلفه انه يقتلنى.

صبا بصدمة:- يقتلك!! انا مش فاهمه حاجة..

غازى:-اكرم بعد مابلغتك باللى سمعته بعت ليا واحد عشان يقتلنى ويفجر بيا العربية عند الاوتيل وانا عملت كده خليته يقتنع انى مت بس الفرق انى فجرت العربية قبل الاوتيل بشارعين واطمنت انه شارع مهجور عشان محدش يجراله حاجة..

صبا:-طب والواد اللى كان..

غازى:-الواد ده من العيال اللى ممسوح مخهم كانوا مفهمينوا انى من الكفرة والعلمانين وعشان كده قتلى كان حلال زى ماموته شهادة..