مابعد الحب الجزء الثانى﴿ حب أعماه الانتقام﴾

لعبة القدر

فى منزل الزينى ..

كانت فريده تحاول الاتصال كثيرا بادم ولكن دائما تجده مغلق لتزفر بضيق لتستمع بعدها لوقع خطوات ورائها لتدير راسها لتجد ابنتها تطالعها مبتسمه لتقول:_مالك ياقمر مكشر ليه.

فريدة بانفعال:_هو فى غيره بيخلينى قلقانه عليه..

غادة:_ادم هو تليفونه لسه مقفول.

فريدة:_ايوة مقفول مع الاسف اخوكى ده ناوى يجبلى جلطه من اللى هيعمله فيا،هيجننى مش عارفه مش عاوز يرد ليه..

غادة :_بعد الشر عليكى ياست الكل وبعدين انتى مستغربة ليه ايه الجديد يعنى ماهو ده بقى ادم اخويا من وقت ماشيرين سابته وهو بقى فى حال غير الحال.

فريده وهى تتنهد بحزن:_اه يابنتى على رأيك،بس هو عمل ايه بعد ماسابته مش راح واتجوز مريهان عليها،لحد دلوقتى مش عارفه ايه كان سبب جوازته دى حتى ماعرفتش ايه اللى حصل فى الوقت ده وليه شيرين بعدت عنه فى الوقت ده ، عيشه بقى الله يمسيها بالخير لما اصريت عليها قالتلى انهم اتخانقوا مع بعض خناقه كبيرة وبسببها شيرين سابته وماتعرفش راحت فين..

غادة:_مافيش الا اتنين بس هما اللى عارفين ..

فريده:_امم تقصدى ادم وشيرين .

غادة بحزن:_مع الاسف اه ومحدش فينا هيعرف باى حاجه الا لو حد فيهم اتكلم ،وبعدين انتى مش فاكرة حياته مع مريهان كانت ازاى.

فريده:_لاء ازاى فاكرة طبعا هو انا انسي يوم ماخرج من النيابة وجه على هنا وطلبها للجواز وهى وافقت...

غادة:_اه وكأنها ماصدقت حتى لاقيتها بعد يومين بتامر دادة والبنات انهم يخلوا اوضه ادم من اى حاجه لشيرين وقتها لسوء حظها ادم جه وكان يوم ..

فريده:_اه يومها صوته وصريخه فيها كان جايب اخر البيت خرجت مفزوعه على صوته وهو بيقولها ان الاوضه دى على جثته انها تدخلها والاوضه دى هتفضل لحد اخر يوم فى عمره ملك لواحده بس وهى شيرين وهتفضل مقفولة متحرمه عليه وعلى اى حد انه يدخلها لحد ماتيجى صاحبتها وهى اللى تدخلها بنفسها وحذرهاانها لو فكرت بس تقرب منها فى يوم يبقى تنسي جوازهم ده نهائي.

غادة:_الصراحه يومها مريهان صعبت عليا ياعينى فضلت تبص له كتير ودخلت اوضتها وحبست نفسها فيها لحد ماجه ادم قبل كتب الكتاب بيوم.

فريده:_ااه واتخانقوا تانى عشان مريهان كانت عاوزة تعمل فرح واخوكى رفض وقالها هو كتب كتاب وبس لافى فرح ولا فى فستان وقالها اظن انا وانتى اتجوزنا قبل كده وكل واحد فينا عمل اللى نفسه فيه هتقبلى بكتب الكتاب كان بها مش هتقبلى يبقى كل واحد يروح لحاله.

غادة:_بس هى قبلت واتجوزوا وبعد كتب الكتاب ادم سابها واختفى ومارجعش الا يوم ماتوفت الله يرحمها وطول الفترة دى محدش عارف كان فين وبيعمل ايه لحد انهارده.