مابعد الحب الجزء الثانى﴿ حب أعماه الانتقام﴾

الوداع الاخير

بعد مرور يومان.....

فى مديرية الأمن....

دلف علاء سريعا الى مكتب اللواء فؤاد الذى كان مجتمع باشرف ليناقشوا بعض الامور قبل اتمام المهمة ....

علاء بعد ان ادى التحية العسكرية:-تمام يافندم كله شئ بقى تمام ودلوقتى احنا متعقبين تليفون ادم الزينى عشان لو حصل واتصل بيه اكرم نقدر نوصله قبل ادم..

فؤاد:-تمام المهم نضمن سلامة الكل وقبلهم الطفل ابن عامر الجمال..

علاء:-تمام يافندم حضرتك تؤمرنى بحاجة تانية..

فؤاد:-لا ياعلاء بس الاهم زى ماقولتلكم قبل كده أنا عاوز المهمه دى تم بدون اى خساير مفهوم أنا عاوز اكرم ده حى...

علاء:-تمام يافندم عن اذنكم...ليخرج بعدها يتركهم معا،بتلك اللحظه كان اشرف يفكر بشئ ليتحدث بعدها لفؤاد:-مراقبتنا للتليفون مش كافية يافندم اكرم مش غبى أكيد دلوقتى عارف أن ادم بلغ البوليس ومتعاون معانا..

فؤاد:-ده أكيد والمتوقع،بس أنت بتفكر فى ايه يااشرف بالظبط..

اشرف:-بفكر فى ان لازم يبقى فى جهاز تتبع مع ادم لاكرم يكشفه ولا ادم نفسه يحس بيه..

تطلع له فؤاد:-طب ازاى دى بقى ادم لازم يكون عنده علم عشان ....

اشرف مقاطعا:-لا يافندم ادم عنيد ولو عرف بحاجة زى كده ممكن يخاطر بنفسه ولا حضرتك ناسي ان اللى بلغنا بمكالمه اكرم كان مروان وانه لما عرف بكده ثار وهاج،ولما اتواجهنا باللى حصل زعق فيا ووجهلى اللوم واتهمنا باننا السبب فى ضياعها وخطفها من وسطنا..

فؤاد:-اعذره ياابنى اللى شافوه مش هين..

اشرف:-وانا عذره يافندم وعشان كده لازم نفكر بطريقة سريعة تخلينا نتعقب ادم من غير مايعرف ولااكرم يكشفه..

فؤاد:-خلاص تمام مدام انت شايف ان ده الصح يبقى تعمله بس باقصي سرعه احنا مش عارفين اكرم ممكن يعمل ايه ولا بيفكر فى ايه دلوقتى..

انتصب اكرم وافقا:-ماتقلقش يافندم كل شئ هيتم زى ماحضرتك امرت واكرم أنا بنفسي اللى هقبض عليه مش هسيبه يهرب منى المرادى..

فؤاد:-ربنا معاكم ياابنى..

خرج اشرف من مكتب اللواء فؤاد لينفذ ما اخبر به فؤاد...
------------------------------------------------------
ذلك الوقت ...
بفيلا الزينى...

كان ادم يجلس بغرفته وهو يشعر ولاول مرة بحياته بالعجز فمنذ ان رأى شيرين بذلك المنظر وهو يكاد يجن ظل يجلس بمكانه منذ تلك المكالمه بغرفته قابعا منتظرا مكالمه من اكرم كما قال له ليتهجم وجه من الغضب قابضا بيده بقوة على المقعد حتى ابيضت مفاصله وهو يتذكر وقتها ماحدث ومارآه ....

##فلاش باك##
همست شيرين بصوت باكى:-ادم..

وقتها تطلع لها ادم بصدمة وصوته يرتعد من هول المنظر:-ش...شيرين ..