مابعد الحب الجزء الثانى﴿ حب أعماه الانتقام﴾

المواجهه

بعد مرور اسبوع..

وصل ماجد وملك لمنزلهم لتدخل ملك وهى تبتسم باشتياق :-ياااه البيت وحشنى اوى بقالنا خمس سنين مفترقين عنه..

شيروت:-بيت مين ده يابابا.

دنى ماجد منها يحملها مبتسما:-ده بيتنا ياحبيبتى اللى هنقعد فيه هنا ايه رايك عجبك..

شيروت:-حلو يابابا..

شيري:-بس بيتنا التانى كان احلى، وبعدين تيته وجدو،هديل وهادية لسنا هناك..

ملك:-معلش ياحبيبتى كام شهر ويجوا او احنا نرجع...

قاطعها ماجد بعصبية:-ملك احنا مش هنرجع دلوقتى نهائي متفقين ..

تطلعت له ملك بيأس لتقول:-يوسف حبيبى خد اخواتك البنات وادخل وريهم اوضهم ماشي.

يوسف:-حاضر ياماما..

اخذ يوسف اخوته ودلف الى الداخل كما طلبت منه والدته،لتقف هى تتطلع لصفحه النيل امامها وهى تحدث ماجد بهدوء:-انا جيت هنا عشان ابقى جمبك امنعك من اى تهور يا ماجد ..

ماجد بدهشة:-تهور... هو لما ابقى جمبك اختى واحميها ابقى متهور ياملك..

ذهبت ملك اليه تقف امامه تطالعه للحظات ثم وضعت يدها على وجنته بحنان:-ماجد أنا خايفه عليك انت مش فاكر عملت ايه آخر مرة لما اتقابلتوا بعد اختفاء شيرين ماجد انت كنت هتموته..

ماجد بصوت حزين:-يستحق الموت ياملك هو وعدنى انه مش هيأذيها ولا يفرط فيها ابدا وعمل ايه شيرين شافت عذاب عمرها كله وانا اللى جمعتهم سوا وفى الاخر ....

ملك:-هششش اهدا خلاص ، ماجد انا بس عاوزة اقولك حاجه شيرين مادام رجعت لادم يبقى هى سامحته عشان خاطرى بلاش تزعلها..

ماجد بدهشة:-ازعلها...ليحدثها بغضب:-ملك شيرين اختى الوحيده ، انتى بنفسك شوفتى حصلها ايه بسببه طول السنين اللى بعدت فيها عنه شوفتى كانت ازاى شيرين اتدمرت كل ده بسببه بسبب حبها الاعمى له حبها اللى هو مايستاهلوش ..

ملك:-وانا مقدرة كل ده بس انت اللى مش فاهم ان شيرين مادام رجعت لادم يبقى هى عاوزة تبدأ من جديد، عاوزة تصلح حياتهم مع بعض ،عاوزة تنسي ،حبيبى شيرين وادم بيحبوا بعض ..

صرخ بها ماجد بحده:-ماتقوليش انه بيحبها ادم عمره ماحب شيرين ، شيرين بس هى اللى حبته شيرين بس اللى اتدمرت واتظلمت فى الحكاية دى،انا مش هسمح ان شيرين تعيش زى عيشة امى...

ملك:- شيرين مش ماما زينه ياماجد حبيبى ادم بيحبها..

ماجد صارخا:-ادم مش بيحبها ادم زيه زى يوسف الجنيدى ..سامعه ..

ملك:-خلاص ياماجد اهدى ارجوك اهدى..

تطلع ماجد لها بألم ليجذبها الى احضانه سريعا هامسا باعتذار:-ملك حبيبتى أنا آسف انى اتعصبت عليكى بس ده غصب عنى ياحبيبتى آسف..