مابعد الحب الجزء الثانى﴿ حب أعماه الانتقام﴾

الكابوس ٢

قرائي الاعزاء...
اولا احب اشكركم على متابعتكم...
ثانيا ليه هاه ليه مافيش فوت😯😯 يعنى شجعونى ادونى دفعه للامام 💪💪وعرفونى رأيكم ايه فى الروايه حلوة اكمل وحشه اوقف نشر بس حسسونى انى مش عايشة فى صحرا لوحدى يرضيكوا يعنى  😭😭😭 يلا بقى فوت لاحسن والله ازعل وانا لما بزعل بزعل شوفتوا بقى ......
ثالثا بقى وده الاهم فى بعض قرائي بيطلبوا انى انزل الفصول بسرعه..انا أحب اشكرهم جدا بس غصب عنى بجد ايدى بقالها فترة بتألمنى ومش بقدر اكتب بسرعه عشان كده الفصل بيتأخر عن اللى قبله فبتمنى منكم انكم تستحملونى وتدعولى بالشفا..
وفى النهاية احب اشكركم جدا واتمنى ان الفصل يعجبكم جدا جدا جدا.....😀😀😀

-------------------------------------------
فى منزل ايمن...
دخل ايمن للمنزل وكان يحمل بين يديه ابنته الصغيرة نهله التى منذ ان خطى بقدميه للمنزل وهى تبكى دلف للبيت وجلس على اقرب كرسي وهو مازال يحملها وهى مازالت تبكى لينظر لها بعيون دامعه ليجد نفسه بعد لحظات يبكى بشده هو الاخر وهو يحتضن ابنته بشده بين ذراعيه، ظل هكذا حتى شعر بيد تربت على كتفه تواسيه ليرفع نظره سريعا ليجدها سلمى تنظر اليه بشفقه،لتحدثه سلمى سريعا:_اصلى دورت عليك كتير بعد الد...الدفنه لكن مالاقتكش ولما روحت المستشفى قالولى انك خدت البنت واطمنت على عمو ومشيت فعمو كان طلب منى انى اجيبله شوية حاجات وهو اللى ادانى...

ايمن مقاطعا بصوت حزين وهو يكفف دموعه بيده:_فى ايه ياسلمى ليه كل المقدمات دى الموضوع مش مستاهل ده بيت عمك قبل مايكون بيتى ....

هتف صوت من ورائهم بقوة:_بالظبط وبما انه يبقى بيت عمها يبقى بيتنا احنا ماهو احنا نبقى اخوات المرحومه وولاد الراجل اللى نايم فى المستشفى ده مش كده ولا ايه..

نظر له ايمن بدهشة متفاجئ من وجوده امامه بتلك اللحظه فهو اعلمه واخبره بخبر وفاة اخته ولكنه لم يأتى ليقف بجواره يسانده او حتى يأخذ العزاء معه ولا حتى اتى ليرى والده الذى منذ ان سمع بخبر وفاة ابنته وهو محتجز بالمشفى لسوء حالته...

سلمى بعصبية:_هو انت ازاى ليك عين تتكلم وجاى لحد هنا كمان ايه معندكش دم ..

ايمن:_سبيه ياسلمى ماتلوميش عليه ماهو اصل الدم اللى جواه بقى ميه خلاص مش كده برضوا ياهانى ولا انا غلطان..

هانى:_بقولك ايه منك ليها اسمعوا الكلمتيم دول والخلاصة بعد الاربعين هنقعد مع بعض عشان كل واحد ياخد حقه ونرتاح..

نظر له ايمن وسلمى بصدمه ليهتف به ايمن وهو يمسكه من ياقه قميصه بعنف يسدداليه اللكمات الواحده تلو الاخرى وهو يصرخ به بعصبية :_انت ايه بنى ادم معندكش دم دى اللى راحت ودفنت من كام ساعه دى تبقى اختك واختك الوحيدة، ده انت حتى يااخى مابصتش فى وش بنتها اللى خلاص بقت يتيمه ولا حتى شلتها وحضنتهاحسستها بحنانك،ولا حتى روحت اطمنت على ابوك اللى من ساعه ماحصل اللى حصل وهو تعبان والدكاترة بيقولوا ان حالته خطر ومحدش عارف هيقوم منها ولا لاء،وانت جاى تكلمنى فى فلوس ياواطى..