بعد مرور يوم اخر..
---------------------
استيقظ ادم فى الصباح وكعادته ظل يتطلع اليها شاردا فمنذ ايام فقط تغير كل شئ بدأت تبعث اليه رسائل لهاتفه من مجهول تعبث برأسه تشككه بها ولكنه لم يستطع ان يصدق حرفا واحدا مما كتب له عنها ولكن ما سمعه منها هى بالامس جعل الشك يتسرب لقلبه وخاصا عندما سمعها تقول اسمه اشرف وعندما انتظر منها تفسير وجدها تكذب عليه تخبره بشئ اخر تنهد بألم ثم قام من جوارها يرتدى ثيابه على عجاله ويذهب للشركه..
-------------------------------------------
كان قاسم وقتها بالشركه مع عامر يتحدثوا بامور،حتى تحدث قاسم معه بمرح:_هو انت ايه ياعريس هتفضل تشتغل كده وناسي نفسك ياابنى انت خلاص فرحك بعد بكره ولا انت عاوز بنتى تتخانق معايا مش كفايا انها زعلانه انك مااخترتش معاها كروت الفرح وتنظيم له.
عامر:_وانا هختار ليه ياقاسم بيه الليلة دى بتاعه بنتك يعنى كل اللى هى عوزاه تعمله وبعدين انا بصراحه ماليش فى الكلام ده.
قاسم مبتسما:_ايوة بس انت العريس بردوا ولازم تبقى كل حاجه تحت عينك وموافقتك.
عامر:_لاء ماتقلقش انا بثق فى ذوق سمر وعارف انها عمرها ما هتختار حاجه تزعلنى او تدايقنى عشان كده انا مديها مطلق الحرية تعمل اللى هى عايزاه ويفرحها.
قاسم:_ربنا يسعدكوا ياابنى.
عامر مبتسما:_متشكر ياعمى.
-------------------------------------------
اما عند عزيز فبعد ان حادثته شيرين كما اوصاها اشرف ظل صامتا ينظر امامه بشرود وغضب ليقوم بعدها صارخا باحد رجاله:_جهزلى العربية فورا عشان عندى مشوار.
خرج بعدهاعزيز متوجها لبيت كاميليا وهو يجاهد ان يبقى طبيعيا ولا يفقد اعصابه وصل اليها لتفتح هى له مبتسمه:_ماصدقتش لما سمعتك بتقول عاوز تجيلى.
عزيز وهو يدخل يغلق الباب ورائه:_اصلك وحشتينى قولت اشوفك ثم قبل يدها قائلا:_متزعليش منى انا بس مشغول اليومين دول عندى صففه مهمه ولازم اخلصها والصفقه دى هتبقى خبطه العمر وبعدها هاخدك ونسافر ونتجوز ونعيش برا على طول.
كاميليا بعدم تصديق:_انت قولت ايه،عزيز انت هتتجوزنى بجد ولا.
عزيز:_طبعا،كاميليا انتى كل حاجه ليا انتى بير اسرارى ،واللى حامتنى طول السنين اللى فاتت ووقفت جمبى، عاوزنى بعد كل ده اسيبك انا اه حبيت امينه بس انتى لما كنت مابشوفكيش يوم كنت بحس ان فى حاجه نقصانى،عشان كده مش عاوز ابعد عنك ابدا وعشان كده مااقدرتش اذيكى وعاوز نعيش اللى جاى من عمرنا مع بعض ايه رايك موافقه.
تطلعت له كاميليا بصدمه غير مصدقه لما تسمعه لتهتف بسعادة:_ طبعا موافقه بس عزيز انا مش مصدقه ان انت واقف قودامى وبتقولى الكلام ده انا كنت فاكرة انك...
عزيز:_ايه هقتلك،اااه ياكاميليا اه استحالة انا اكتشفت انى مااقدرش اعيش من غيرك لحظه،ثم ذهب اليها وامسك يديها يرفعها امام شفتيه يقبلهم لينظر لها:_انا عاوز اعيش بقى واعيش معاكى لاخر عمرى موافقه.
أنت تقرأ
مابعد الحب الجزء الثانى﴿ حب أعماه الانتقام﴾
Romanceأستثنيكِ من كلِّ جُرحٍ في روحي لا أستثنيكِ .. يا من حَبكتِ لي عُقَدي .. أمري ليسَ يَعنيكِ وكم ضرَّني .. ما صنعتِ في نفسي أنتِ وكلُّ ما فيكِ ابتليت قلبي بإعاقةٍ عسى اللّهُ بما بليتِني يُبليكِ.... للشاعر (على المولى) ...
