مابعد الحب الجزء الثانى﴿ حب أعماه الانتقام﴾

رصاصة بالقلب

قبل ذلك بفترة...
كان ماجد بمنزله يرتدى ملابسه ليستعد للخروج بعدما علم بمكان ادم وشيرين لتستيقظ ملك بتلك اللحظه وهى تطالعه بدهشة لتحدثه بصوت يغلب عليه النوم:-بتعمل ايه ياماجد؟؟

ماجد:-خارج ياملك رايح لادم الزينى..

تطلعت وقتها له ملك بقلق:-انت عرفت مكانه ازاى.

ماجد:-عرفت مكانه وخلاص..

لتنتفض من فراشها تتطلع له بخوف:-ماجد انت مش هتعمل حاجه له مش كده..

ماجد:-مش هعمل بس ده لو فى حالة انه طلع عاقل وسلمنى اختى بهدوء..

لتراه بعدها يضع شئ ما بجيبه ليقبلها من جبهتها ويخرج مسرعا من غرفتهم ومن المنزل باكمله لتحاول اللحاق به ولكن دون فائدة ، ظلت تتطلع حولها بضياع لتتذكر شئ لتسرع لغرفتهم تبحث عنه وكمان توقعت لم تجد سلاحه موجود وقتها انهارت بالبكاء وظلت تردد:-ليه ياماجد ليه انت وعدتنى ، لتظل لدقائق على وضعها ذاك حتى دخل اليها يوسف لينظر لها :-مالك ياماما بتعيطى ليه هو بابا زعلك..

ملك:-لا ياحبيبى بابا مازعلنيش ،يوسف حبيبى ينفع تقعد هنا مع اخواتك تاخد بالك منهم لحد ماارجع ماشي ياحبيبى ..

يوسف:-ماشي ياماما بس انتى هتروحى فين.

ملك:-مشوار مهم ..مهم ياحبيبى ..خد بالك من اخواتك ماشي..

بعد فترة خرجت ملك من المنزل مسرعه متجه لمنزل الزينى لنجدة ادم ونجدة ماجد معه ...

وصلت بعد ساعه الى منزل الزينى تطرق الباب بقوة لتفتح لها مودة لتسألها:-لو سمحتى استاذ مراد موجود ..

وعندما كادت ان ترد عليها وجدتها ليلى ورحبت بها:-ملك حمد الله عالسلامه..

ملك:-الله يسلمك ياليلى ،ليلى فين مراد..

ليلى:-موجود ادخلى الأول ...

ملك مقاطعه:- مش وقته ياليلى ارجوكى بلغى مراد انى عاوزه ضرورى مسألة حياة او موت..

تطلعت لها ليلى بقلق لتجد مراد يحدثها :-اهلا ياملك خير فى حاجه حصلت.

ملك:-مراد ..مراد الحق ماجد ..ماجد عرف ادم وشيرين فين وهيروحلهم والمصيبة انه واخد مسدسه معاه..

تطلعت لهم ليلى بصدمه بينما حدثها مراد بخلع:-مسدس اتجنن ده ولا ايه, ماتقلقيش أنا هلحقه ...

ليلى:-مراد اتصل بطارق خليه يجى معاك..

مراد:-حاضر..حاضر اه ليلى اوعى تجيبى لحد سيرة وخصوصا بابا وماما ماشي..

ليلى :-ماشي بس عشان خاطرى الحقه ارجوك..

ملك:-ايوة ارجوك الحقه أنا لو فى حد مع الولاد كنت جيت معاك لكن ...

ليلى:-روحى ياملك خليكى مع الولاد..

مراد:-ايوة روحى وماتقلقيش لا ادم هيحصلوا حاجه ولا ماجد هيعمل حاجه ..