مابعد الحب الجزء الثانى﴿ حب أعماه الانتقام﴾

تعارف من جديد

اخرجهم الطبيب من غرفة شيرين والكل بحالة صدمه وزهول مما سمعوه منها ،واول ماان خرج الطبيب من غرفتها اسرع ادم اليه يحدثه بقلق وخوف:_شيرين مالها يادكتور وايه اللى بتقوله ده شيرين ازاى مش فاكرانا يعنى ايه اللى حصلها ده..

الطبيب بنبرة هادئة:_ممكن نهدى الوضع مش مقلق للدرجه هى وضعها الصحى فى تحسن،لكن بالنسبة لحكاية انها مش فاكره حاجه دى ده يبوضح لنا كده انها عندها فقدان ذاكرة بس عشان نطمن اكتر هنعمل اشعه عالمخ ونتأكد اكتر،وده وارد ان ده يحصل كرد فعل طبيعى للحادثه العنيفه اللى حصلتلها،بالمختصر فى جزء من المخ بيتعطل عن العمل وبيتأثر من الصدمات القوية اللى زى دى ومن الواضح ان الخبطه اثرت على مراكز الذاكرة عندها ....

قاطعته امينه بصوت باكى:_طب وفقدان الذاكرة ده يعنى هتفضل عايشة بيه يعنى بنتى مش هتبقى فاكرانى ولا فاكرة اى حاجه ..

الطبيب باسف:_فقدان الذاكرة محتاج متابعه،اما لحكاية انها مش هتفتكركم دى مقدرش افيدكم فيها ده هيكون راجع لتشخيص حالتها مع دكتور متخصص هو اللى يقدر يحدد فقدان الذاكرة ده اذا كان فقدان جزئي او كلى وطرق علاجه هتكون ازاى..

تحدث مراد معه بجديه:_يعنى لو عملنا ده كله معاها هى هتقدر تخف وترجع تفتكر كل حاجه وتفتكرنا صح؟

اجاب عبدالله منهيا للحديث:_مش مستبعد انه ده يحصل بس لازم ناخد بالنا من رغبتها واستجابتها هى للعلاج ده..

ليلى بقلق:_يعنى ايه هى شيرين مش هتبقى عاوزة تفتكرنا يعنى..

الطبيب:_لاءدكتور عبدالله قصده انها تكون هى عاوزة ده من جواها،لان فى اغلب الاحيان بيكون المريض جواه رغبة شديدة انه ينسي فترة او وقت معين فى حياته وده لو كان تزامن مع وقت الحادثه العنيفه اللى حصلت له ساعتها خلايا المخ بتعمل زى غطا او حجب مؤقت عن كل الذكريات اللى مش عاوز يفتكرها وبالتالى من ضمن الذكريات دى بيكون وجود الاشخاص معاها يعنى ...

ادم بضياع:_يعنى لو هى رافضه الذكريات دى يبقى كمان هتبقى رافضه للاشخاص دول يعنى هتفضل كده..

الطبيب:_مع الاسف القرار فى الاول والاخر هيرجع ليها هى وده اللى هيحصل فى الايام الجاية..

ليلى:_ طب احنا مستنين ايه ليه مافيش دكتور متخصص يجى يشوفها ويقول تشخيصه النهائي ويطمنا ..

الطبيب:_ماتقلقوش ياجماعه انا طلبت دكتوره زميلتى ممتازة جدا وهى قودامها شوية وتوصل وهى اللى تعرفكم بكل شئ عن حالتها..

سألته امينه بوجع:_طب هو انا ممكن اقدر ادخل ليها اطمن عليها؟

ابتسم الطبيب ليطمئنها:_مافيش مانع ابدا انا اديتها حقنه مهدئة وسبتها ترتاح، بس ياريت ياهانم ماتطوليش معاها جوا لانها محتاجه للراحه اكتر دلوقتى..