مابعد الحب الجزء الثانى﴿ حب أعماه الانتقام﴾

الوداع الاخير

فى بيت الزينى..

دلف اليهم مراد بوجه مطمئن:-اشرف بيقولى انهم فى الطريق عرفوا مكان ادم وشيرين..

وقتها تطلع له الجميع بسعادة لتقول ليلى بصوت مرتعش:-بج.. بجد يامراد يعنى شيرين وادم هيكونوا هنا انهاردة بجد..

مراد:-ان شاء الله ياحبيبتى باذن الله هيكونوا هنا بعد كام ساعة من دلوقتى..

فريدة:-الحمد لله يارب امينه اكلم امينه اطمنها..

مراد:-لاء طارق عارف وهو هيجى ومعاه طنط امينه كمان..

سليم :-الحمد لله المهم انهم يرجعوا ويبقوا بخير..
------------------------------------------------------
وصل اكرم وادم للمكان ليجد شيرين وفردوس تسندها ويسيرا معا باتجاه الباب لتقف فردوس وهى تشعر بالخوف عندما وجد اكرم امامها بينما هتفت شيرين :-ادم..

اسرعت شيرين الى ادم تاركه يد فردوس ليحتضنها سريعا وهو يطمئن عليها:-حبيبتى انتى كويسة..

اومأت له شيرين والدموع تتجمع بعينيها ليستمعوا بعدها لصوت اكرم الهادر:-كنتى واخداها ورايحة فين يافردوس ..

فردوس وهى تطالعه بخوف :-ااه أنا أنا...

حدثته شيرين بقوة:-انا اللى هددتها انها تخرجنى..

تطلع اكرم لها ثم حدثها ساخرا:-وياترى بقى كان ازاى هددتيها مثلا بسن الدبوس ولا بطرف الحبل، ثم صرخ بها:-ماتستهبليش سامعه أنا مش عيل.

حدثه ادم بغضب:-اياك ترفع صوتك عليها وانا موجود فاهم .

نظر له اكرم باستخفاف:-والله هو انت ليه مش فاهم انك هنا فى ملعبى أنا يعنى أنا الوحيد اللى يتكلم ويصرخ ويعمل اللى عاوزه ومافيش قوة على وجه الارض تمنعنى يعنى لو حابب اضربها دلوقتى محدش هيمنعنى لاانت ولا مليون من عينتك سامع..

ادم:-جرب ووقتها هتشوف..

اكرم:-موافق..

شيرين بخوف:-ادم علشان خاطرى اهدى..

وقف كلاهما يتطلعوا لبعضهم البعض بغضب وكراهية حتى هتف اكرم بفردوس:-فردوس انتى أكيد عارفة انتى عملتى ايه كويس خنتينى وانا اللى بيخونى مالوش عندى غير جزاء واحد صح..

وقفت فردوس ترتعد من الخوف :-اكرم بيه أنا..

قاطعها اكرم :-خلاص يافردوس وقت الكلام راح ..

ثم صرخ باسم فتحى الذي ظهر ورائه وهو يتطلع لهم بغرابة ليسمع اكرم يحدثه:-خلص عليها يافتحي.

وقتها نظر له فتحى بصدمة:-اخلص على مين بس يااكرم بيه ..

تطلع له اكرم ليقول:-على مراتك يافتحي فردوس باعتنى وانا اللي يبعنى مااشتريهوش ولا ايه..

فتحى:-اكرم بيه أنا راجلك ودراعك اليمين سامحها علشان خاطرى بلاش فردوس يابيه..

صرخ اكرم به:-كلمة تانية وهقتلك معاها يلا..