مابعد الحب الجزء الثانى﴿ حب أعماه الانتقام﴾

انكسار

تطلعت امينه الى ليلى بفرح لتستمعا بعد لحظات لصوت جرس الباب..

لتقول ليلى باسمه:_انا هفتح ..

امينة:_لاء خليكى انا اللى افتح اكيد عبدالله..

ذهبت امينه لتفتح الباب لتجد امامها سيده بالعقد الخامس من عمرها ذو بشرة بيضاء وشعر بنى قصير وعيون بلون البندق ..

لتبتسم لها امينه:_افندم مين حضرتك..

ترددت كثيرا صفية ان تخبرها بمن هى ولكن بالاخير تحدثت بتردد:_انا..انا ابقى صفيه..صفية السماحى والده كاريمان صاحبة درة عزام مرات ابنك المرحوم معتز..

تطلعت امينه لها بحزن:_اهلا يا هانم اتفضلى خير..

صفية:_انا جايه..بخصوص ولاد ابنك المرحوم ..

تطلعت لها امينه بصدمه لم تتحملها لتقع بعدها مغشيا عليها لتلحق بها صفية تسندها ليدخل بتلك اللحظه عبدالله ويرى عمته بتلك الحالة ليصرخ بها:_ماما ..امى مالك..انتى عملتيلها ايه ..

لتخرج ليلى من الغرفة على صراخ عبدالله لتتفاجئ بخالتها على تلك الحالة لتسرع اليها صارخه:_ماما..ماما مالك ايه اللى حصل..

عبدالله:_ممكن افهم حضرتك مين وعملتى ايه فى امى..

صفية:_انا ابقى قريبة المرحومه درة مرات المرحوم معتز اليازجى ابن عمتك وكنت جاية بكلمها بخصوص الأولاد وهى حصلها كده حضرتك تبقى الأستاذ طارق صح..

تطلع لها كلامن ليلى وعبدالله بدهشة:_لاء انا مش طارق بس هو ازاى يعنى..على العموم انا اسف انا اسعف امى الاول وبعدها نقدر نتكلم ،ليلى..

تفهمت ليلى مايقصده لتذهب اليها:_اهلا ياهانم احنا اسفين اتفضلى اقعدى معلش اكيد..

صفية مقاطعه:_اهدى ..اهدى يابنتى المهم دلوقتى مدام امينه..

لتفيق امينه بعد لحظات والدموع تتلالا بعينيها:_ابنى..ابنى..ولاده

اسرعت ليلى اليها تحتضنها باكية:_ماما عشان خاطرى اهدى ..

تطلعت لها صفية بحزن وهى تشفق على حالتها لتتأكد ان مجيئها هو الاصح:_انا اسفه انى فكرتك ..

تطلعت امينه لها ببكاء:_تفكرينى انا عمرى مانسيت مافيش ام تنسي ابنها حتى لو غاب عنها عمرها كله ابنى اتخطف منى قبل ماالحق اتهنى بشوفته هو مراته وولاده ..

صفية:_اطمنى ولاده حبيبة وعبدالرحمن لسه عايشين ومعانا ..

تطلع لها الجميع بصدمه لتقول:_ايوة احفادك لسه موجودين عايشين معايا..المرحومه درة كانت بنتى التانية هى تبقى صاحبة كاريمان بنتى صاحبة عمرها..قبل وفاتهم بيوم جت درة وطلبت منى انا وكاريمان اننا نخلى الولاد معانا عقبال مايروحوا شقتهم يجيبوا حاجه ويرجعوا عشان كانوا هيسافروا هى ومعتز والولاد لان فى ناس بيهددوا معتز بالقتل ..