مابعد الحب الجزء الثانى﴿ حب أعماه الانتقام﴾

انتقام أعمى 2

فى فيلا اكرم...
استيقظت صبا لتجد اكرم يجلس بجوارها يطلع لها مبتسما بهدوء:-صباح الخير ياحبيبتى..

تطلعت له صبا بقلق ودهشة:-صباح النور خير مالك فى حاجة حصلت..

اكرم:-تؤ بالعكس انهارده يعتبر اسعد يوم فى عمرى..

استقامت صبا بمكانها:-اشمعنا يعني انهارده!!

تطلع لها اكرم للحظات ثم حدثها بهدوء:-ولا حاجة يلا قومى وجهزى نفسك..

صبا بسخرية:-اجهز نفسي ليه ناوى تفسحنى انهاردة..

تطلع لها اكرم ببرود:-لاء ناوى اخرجك انتى تتفسحى انهارده..

صبا:-هروح فين يعنى؟؟

اكرم ساخرا:-فرح عبدالله الدكتور عبدالله اظن مافيش احسن من كده صح..

صبا بدهشة:-اشمعنا يعني وبعدين أنا هروح ازاى وانا مش معزومه ولا الدكتور ده يعرفنى ولا انا اعرفه..

اكرم:-مش مهم وبعدين ياروحى اللي زيك مش محتاج عزومه انتى اهم واحدة واهم شريكه فى صفقة العمر زى مابيقولوا..

تطلعت له صبا بغرابة وداخلها ينبأها بشئ مخيف..

لتسمعه يهتف بها:-يلا بقى ياروحى قومى خدى شاور بتاعك وافطرى عشان تبدأ التجهيزات..

صبا:-اوكيه بس انا لازم اخرج عشان نطمن على البيبى ولا ايه..

اكرم:-اكيد بس بلاش انهارده عشان ماتجهديش نفسك أنا محضرلك كل حاجة يعنى مش هتتعبى خالص يلا بقى قومى واستعدى وبكرا نروح سوا..

نظرت له صبا بدهشة:-استعد

اكرم بفرح:-اكيد انهارده مش يوم عادى انهارده الليلة الكبيرة ليلة الدكتور عبدالله يلا يلا..

خرج اكرم وتركها تقف تنظر بأثره بقلق وخوف لأول مرة تشعر به تجاهه لتهمس لنفسها قائله:-ناوى على ايه يااكرم أنا مش مرتاحالك..

بينما هبط اكرم لاسفل وهو يدندن بسعادة وهو يدخل غرفه مكتبه ليقترب من خزنته يخرج منها علبة كبيرة زرقاء قطيفة ليفتحها ليجد بها طقم كامل من الالماس ..

لتلمع عينيه وهو يهمس بمكر شيطانى:-هيكون احلى طقم واخر طقم هتلبسيه فى حياتك يازوجتى العزيزة، وبيه هكون خلصت من الكل فى ضربة واحدة..
---------------------------------------------------------
بالمساء تجهزت صبا ولكن قبل ان تهبط لاسفل وجدت اكرم يقف ورائها يتطلع لها باعجاب وهو يطلق صفير حاد:-قمر ولا بلاش قمر دى خليها جميلة الجميلات مش افضل بردوا..