مابعد الحب الجزء الثانى﴿ حب أعماه الانتقام﴾

تحت التهديد

وصلت صبا للفيلا ليستقبلها اكرم مبتسما وهو يأخذها من يدها يراقصها بسعاده لتتطلع هى له بغرابه ...

صبا:-للدرجادى مبسوط..

وقتها ضحك اكرم بقوة:-اوى أوى أوى انتى مش متخيلة أنا فرحان اد ايه..

صبا:-طبعا ما كل شيء تم زى ماانت عاوز بالظبط كفاية بقى يااكرم أنا دوخت..

تركها اكرم وهو يتطلع لها:-انتى مالك مش مبسوطه ولا ايه..

صبا:-لاء ازاى بس عاوزة افهم ايه اللى هتستفاده من كل ده، يعنى خطفت شيرين وهترجعها ايه بقى وجه الاستفاده اللى هتعود علينا من ده كله انت عارف ادم كان ازاى أول ماسمع عارف عمل ايه..

وقتها تطلع لها اكرم ضاحكا بقوة:-الله ..هو ده ياما كان نفسي ابقى معاكى واشوفه ..

صبا:-ادم كان زى المجنون وقت ما سمع الخبر..

اكرم:-ولسه اللى جاى احلى..

صبا:-انت ناوى على ايه وايه لازمه الليلة اللى انت عملتها دى ..

وقتها اقترب اكرم منها ممسكا بيدها يرفعها امام شفتيه يقبلها مبتسما:-لازمتها انى ألخبطه اجننه..

صبا:-وايه الفايده ماهو هيرجع للشغل من جديد..

اكرم:-تؤ مش هيعرف هيبقى نص عقله مع حبيبته هيبقى قلقان عليها طول الوقت وخايف،وده اللى انا عاوزه التشتيت اللخبطه والقلق كل ده هيوقعهم كلهم فى الغلط كل ده هيخليهم يعملوا وينفذوا اى حاجه من غير عقل ولا تفكير هيعملوا كل اللى أنا عاوزه من غير مايحسوا..

وقتها ضحكت صبا وهى تتطلع له:-ده على أساس ايه على أساس ان ادم هو الوحيد المالك للشركه هو الوحيد اللى بيدير الشركه فوق يااكرم فوق احنا معانا تلاته غيره وكل واحد فيهم عقله يوزن بلد دول قوموا الشركه بتاعت الزينى فى أقل من شهور ده غير انهم كانوا بيتخطوا اى ازمه بيتعرضولها اى واحد فيهم عقله يدير مؤسسة مش شركة واحدة ..

اكرم:-بس لما كلهم عقلهم يتشتت وقتها بقى هيكون ايه الوضع ..

صبا بسخرية:-وهى شيرين بقى اللى هتشتت عقلهم كلهم..

اكرم:-تؤ كل واحد فيهم عنده بلوة كفيلة انها تخليه مايعرفش يبص قودامه شبر حتى..

تطلعت له صبا بقلق:-انت تقصد أيه يااكرم ناوى على ايه بالظبط..

اكرم وهو ينظر لها:-كل واحد منهم عنده نقط ضعف وانا ناوى العب عليها يعنى مثلا ادم نقطه ضعفه وهمه الوحيد هى شيرين ومراد ابنهم، عامر قمر وابنه عاصي ، مروان غدغودة حبيبته وبنتهم،حتى مراد عنده ليلى..

صبا بسخرية:-ليه ناوى تخطفهم كلهم ولا ايه يااكرم..

وقتها بادلها اكرم الابتسامة ساخرا:-لا ياروحى بس لكل واحد داءه وانا ناوى اظهره..