مابعد الحب الجزء الثانى﴿ حب أعماه الانتقام﴾

بداية النهاية

اسفه عالتأخير بس ده شئ غصب عنى ايدى كانت متوقفه الفترة دى ولسه بس يادوب اول امبارح قدرت احركها وبدأت فى الكتابة اعذرونى على الاخطاء الاملائية وادعولى بجد من قلبكم لانى ايدى تعبانى جدا وبالعافيه لم بدأت تطيب..

اتمنى لكم قراءة ممتعه...
__________________________
بعد مرور اسبوع وتغير الاوضاع به...

استيقظت شيرين وهى تشعر بشئ رقيق ناعم يلامس وجهها لتفتح عينيها ببطء لتجد ادم جالس بجوارها مبتسما وتلك الوردة البيضاء بيده يسير بها على وجهها هامسا لها:_صباح الخير يااكبر كسولة فى الدنيا ايه النوم ده كله بقالك سنين مانمتيش..

نظرت له شيرين مبتسمه:_اممم حضرتك اللى صاحى بدرى مش اكتر..

ضحك ادم ثم اعطها تلك الورده لينظر لها بحب:_ هو انا عمرى مااعرف اغلبك ابدا .

شيرين ضاحكه:_تؤتؤ مش هتعرف ياهندسة ..

ادم:_طب ايه يعنى انا اديتك وردة مافيش مقابل كده ولا اى حاجه..

ضحكت شيرين بخفه:_انت عاوز ايه ياادم..

نظر لها ادم باسما:_ انتى على طول كده فاهمنى غلط..ثم طالعها بحب هامسا امام شفتيها:_بحبك..بحبك وبس..

نظرت له شيرين هى الاخرى بحب ثم احتضنته بقوة لتتنهد بعشق هى الاخرى قائلة:_تعرف ياادم انا مش عارفه امتى وازاى حبيتك المهم انى مش عاوزه ابعد عنك والمهم انك جمبى معايا هو ده اللى عاوزاه ادم انت مكافئة الدنيا ليا ،ثم رفعت نظرها له مبتسمه بحب:_وبطلبها من ربنا انك تبقى مكافئتى فى الاخرة كمان.

ادم بمرح:_الله عالحب والكلام التفاؤلى اللى بينقط من شفايف العسل مراتى ده..

نظرت له شيرين شرزا وحاولت ان تترك حضنه وتبتعد ليجذبها هو مرة اخرى لاحضانه ضاحكا ليقول بصوت عذب وهو ممسكا لوجهها بين يديه:_وهو ده كمان اللى عاوزه وعاوز افضل احبك لاخر يوم فى عمرى وحتى بعد عمرى بطلبها من ربنا انك تبقى ليا فى الاخرة زى ماربنا جمعنى بيكى فى الدنيا .

شيرين:_مش هتندم ،يعنى مش هيجى عليك يوم وتقولى انا زهقت منك خلاص..

ادم:_اممم ممكن جدا،وقتها نظرت له شيرين بصدمه ليرد هو عليها ضاحكا:_بس ده فى حالة واحده لو فقدت الذاكرة،حتى دى كمان مش ضامنها عارفه ليه عشان انا عايش بحبك وهحبك حتى لو بدلوا عقلى وقلبى بحد تانى بردوا هفضل احبك..

نظرت له شيرين بدموع ليهتف ادم بمرح:_لالا والنبى مش عاوز اشوفهم خالص انا عاوز اشوف ضحكتك اللى سمعتها من شوية عشان انزل وانا مبسوط..

ابتسمت شيرين من بين دموعها ليمد يده سريعا يمحى دموعها ليقبل رأسها سريعا ليتحرك من مكانه :_يلا بقى ياحبيبى صحصحى كده وانزلى افطرى مع ماما وبابا اوكيه انقذينى انا.