مابعد الحب الجزء الثانى﴿ حب أعماه الانتقام﴾

الكابوس١

فى منزل امينه...
كانت شيرين تستمع لحديث طارق حتى انتهى لتظل على وضعها صامته شارده تنظر للامام ودموعها تسيل على خدها بانهمار..

طارق بشفقه وهو ينظر لها:_شيرين انا عارف احساسك ايه دلوقتى بس صدقينى كل اللى حكيته ليكى ده هو الحقيقه بعينها وان مافيش حد ظلم حد انتوا كلكوا مظلومين ..

شيرين بصوت حزين:_مظلومين ...

طارق:_ايوة ياشيرين الكل مظلوم  فماتجبيش اللوم على والدتك او والدك.

شيرين بسخرية وهى حزينه:_اومال اجيبه على مين عليا انا ....

طارق:_شيرين انا عارف ان كل اللى انتى فيه ده ومريت به صعب عليكى بس لازم تفهمى ان كل ده كان مؤمراة طالت الكل مش انتوا بس ،مؤمراة طالت كلنا بمافيهم عيلة الزينى واللى كان اولهم مراد اللى نجح عزيز انه يبعده عن اهله وبالذات عن اخوه.

نظرت له شيرين بدهشة:_مراد وهو ماله بمراد.

طارق:_بالنسبة لعزيز مراد نفسه مالوش اهمية عنده لكن كونه من عيلة الزينى ده كان بالنسبةله افضل وسيلة ينتقم بيها من سليم الزينى زى ما قولتلك عزيز بينتقم من اى حد ساعد او يقرب لوالدك وسليم الزينى هو اكتر واحد كان واقف جمب والدك فالتالى عزيز يفرق مابينهم..

شيرين ببكاء:_وليه مابلغتوش عنه.. ليه سايبينه طايح فى الكل كده.

طارق:_لانه ببساطه ميت من وجه نظر البلد والحكومه لكن مراد قبل مايسافر جاب لنا ورق مهم يضر عزيز ومعتز كان خلاص وصل وحط ايده على بلاوى تدخل عزيز ده السجن يقضي فيه بقيه عمره لكن مع الاسف المعلومات دى راحت ومحدش عارف هل عزيز خدهم ولا ...

شيرين:_ولا ايه...

طارق:_ممكن ادم يكون هو اللى خدهم زى ماقولتلك اخر واحد راح لمعتز قبل ما عزيز ورجالته يخلصوا عليه كان هو..

شيرين ودموعها عادت لعينيها من جديد:_يعنى ممكن يكون جوزى قتل اخويا ازاى انا خلاص مش قادرة استحمل كل ده انا حاسة انى عايشة فى كابوس ونفسي اصحى منه.

طارق بشفقه:_لاء ادم استحالة يعمل كده ،المهم شيرين انتى لازم تهدى وتفكرى بعقل اللى اسمه عزيز ده مش سهل ومن الممكن يحاول يوصلك او يأذيكى فلازم تاخدى حذرك منه.

شيرين وهى تكفف دموعها بيدها تنظر لطارق بدهشة:_وهو هيعوز منى ايه هو خلاص انتقم من الكل دخل ابويا السجن وقتل اخويا واهوه بيكمل انتقامه فى عيلة الزينى.

طارق:_ماتستبعديش اى حاجه..

ليلى مؤكده:_صح ياشيرين معتز قبل مايموت قال لطارق انه بيخطط انه يضرب عمو سليمان بيكى وعشان كده احنا خايفين عليكى اللى كان مطمنا انك كنتى مسافرة برا لكن رجوعك ده ممكن يستغله لصالحه.