مابعد الحب الجزء الثانى﴿ حب أعماه الانتقام﴾

يوم الرحيل

نهاية كل شئ ...
{احببتك كأنى لم احب يوماً..
كأن العمر لا يمضي دونك..
كأن الحياة اسمها((انت))}
بيت امينه..
خرجت من غرفه ليلى لتجد امامها طارق وهو يمسح على وجه بغضب لتسأله:_لسه بردوا مش عاوز يفتح.

طارق بضيق:_لا ياعمتى مع الاسف انا من الاول قولتله بلاش بس هو مااسمعش كلامى البنت دى بتتسلى بيه.

امينه بحزن:_الله يسامحها بقى ياابنى ويسر لها حالها بعيد عننا،المهم حاولت تتصل بشيرين.

طارق بنفى:_لاءهى كمان مابتردش عليا انا مش عارف اصلا هى فين.

امينه بقلق:_ربنا يستر انا قلبى مش مطمن ياربى ايه اللى صابنا بس لا حول ولا قوة الا بالله ربنا ينجيكوا ياولادى..ثم بدأ صوتها يتأثر ويختنق بالبكاء:_ يارب استرها علينا يارب قلبى مش مطمن حاسة ان فى حاجه هتحصل..

طارق وهو يذهب اليها يقبل يدها:_مافيش حاجه تقلق ان شاء الله ارتاحى انتى بس،المهم ليلى عامله ايه.

امينه:_هتعمل ايه مقطعه نفسها من العياط.

طارق:_هو لسه مراد تليفونه مقفول.

امينه:_اه ياابنى وهى ياقلبى هتتجنن من كتر خوفها وقلقها عليه.

طارق وهو يربت على يدها يطمئنها:_كله خير ياست الكل صدقينى وهيعدى باذن الله بس أهدى انتى وادعيلنا.

امينة:_يارب..
-------------------------------------------
عند شيرين..
فهى ظلت تبكى حتى غفت من كثرة البكاء ليعود ذلك الكابوس اليها مرة اخرى ولكن تلك المرة كان ادم امامها يطالعها بألم وحزن وهو يقول:_ليه كدبتى عليا ليه ماصارحتنيش من البدايه كان قودامك مليون فرصة انك تصارحينى كنتى فى حضنى ومعايا وكنتى بتخدعينى .

شيرين:_ادم افهمنى انت ظالمنى.

ولكنه لم ينظر لها بل تركها ورحل وهى ظلت تنادى عليه ولكن دون فائده ليظهر امامها عزيز يضحك بشر وفجاة وجدته يدفعها بقوة من اعلى قمه الجبل وهو يقول :_انتى خلاص انتهيتى، ظلت تصرخ تستنجد بادم لتستيقظ بعدها منتفضة وهى تصرخ لتجد نفسها كما هى تغفو على الارض ولكن الجديد انها رأت ادم يجلس امامها يتطلع لها بنظرة غريبة لم تراه يطالعها بهامن قبل رفعت رأسها تنظر اليه بألم ،لتسمعه يقول
:_قوليلى ليه،حبيتك ليه انخدعت فيكى ازاى.

شيرين بصوت واهن:_ادم اسمعنى.

وكأنه لم يسمعها بل ظل يتحدث بصوت حزين:_انا لاخر لحظه ماكنتش مصدق الصور دى،لاخر لحظه كنت مستعد انسي واسامح وابدأ من جديدلاخر لحظه،ثم نظر لها بغضب وامسك ذقنها بيده بقسوة صارخا بها جعلها تنتفض تحت يده بقوة:_ليييه خدعتينى وكدبتى عليا،خنتينى كان كل ده ليه عشان انتقامكوا.

تطلعت له شيرين والدموع تسيل من عينيها على خدها بغزارة وهى تشعر بأن لا فائده من الحديث لتطالعه بحزن:_ماانت اتأكدت خلاص بتسألنى ليه،صدقت كدبهم واتهمتنى بالباطل جاى تسألنى بعد ايه..