الولي وعينك تلالي اشوفنه البدر نور
واهز المهد وي روحي واناطر بلكي ها يكبر
تناغيني وترد الروح واسمع صوتك اتاثر
افزن لو يمرني بجاك اركض ليك واتعثر
واشيلك والقلب ملهوف واشمك يبني بالمنحر
وابحر حيل بعيونك وابوسك والقلب ينسر
ينجم سماي ياروحي يعمري الفدوه الك لومر
يسلوه وياغلات العين يوجه الصبح لو اسفر
واشمن عطرك الفواح لنه من عطر حيدر
احسك بالامس موجود جن طير السعد تفتر
واسمع صوتك الناعم اذان الفجر لمن طر
لحضات غمضته العين واحس الحلم يتحسر
عوفي المهد ماموجود حلمج صعبه يتفسر
فتحت عيوني مذهوله مهدك صار لونه احمر
ضلمت دنيتي بعيني وحلمي بيك يتكسر
واشمن ريح حرك خيام واسمع صرخة الخدر
وادورك بين هاذا وذاك دليلي من الحزن يسعر
وانادي ياحلم ابيض يمته ترد والي تحضر
رجف قلبي وردت اصبر وردته الروحي تتصبر
لجن هيهات اهود الروح
يعبدالله فلا تكدر
أنت تقرأ
من نهل الانوار المحمديه(ج١)
Puisiابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
