[အပိုင်း ၁၀]
'လူအများကြီးထဲက မင်းကိုပဲ...'
X
"Jinyoung အငြင်းခံလိုက်ရတယ်တဲ့"
"Jinyoung? Jinyoung က ဘယ်သူ့ဆီမှာ
အငြင်းခံရတာလဲ? "
"မသိဘူးလား! Seulgi လေ! Jisoo တို့အခန်းက
Seulgi ဆိုတဲ့တစ်ယောက်လေ! "
"သြော်! သိပြီ! သူက Jinyoung ကို ငြင်းလိုက်တာလား"
မိမိအကြောင်း အတင်းချနေသူနှစ်ယောက်ကို ရှေ့ထား၍
ကားစီးရတာဟာလည်း သူမအတွက် ဒုက္ခတစ်မျိုးပါပဲ ။
ဆံပင်စည်းထားလိုက်ရင် အကောင်းသား...။ ဒီလိုမှန်းသိ
မနက်က ခေါင်းမလျှော်ခဲ့ပါဘူး။
ကားပေါ်မှာ မှေးခနဲအိပ်ပျော်သွားခိုက် ထိုဆံပင်တွေက
မျက်နှာရှေ့ကို အလုံးအရင်းဖြင့် ကျလာသည်။ သူမက
စိတ်ရှုပ်ရှုပ်နဲ့ တကူးတက ဖယ်မနေ။ ထိုအတိုင်းသာ
ဆက်အိပ်နေသည်ဖြစ်ရာ ယခုရှေ့ခုံက နှစ်ယောက်မှာ
မိမိထိုင်နေတာကိုမသိဘဲ အတင်းချကောင်းနေလေသည်။
တကယ်တော့ သူတို့ပြောနေသလိုလည်း မဟုတ်ရပါ။
Jinyoung ကိုလည်း မငြင်းရသေး။ ဘယ်ကနေဘယ်လို
မဟုတ်တာတွေကြားပြီး ကျောင်းမှာလိုက်ဖြန့်လဲမသိ။
ကျောင်းမရောက်ခင် မှတ်တိုင်တစ်ခု၌ ကားရပ်ထားပြီး
သူမဘေးတွင် လူတစ်ယောက် လာထိုင်သည်။
တကယ်တမ်းဆို စက်ဘီးနဲ့ပဲဖြစ်ဖြစ် ထွက်လာလို့ရသားနဲ့
အပျင်းလွန်ပြီး ဘတ်စ်ကားစီးလာတာဖြစ်သည်။ ထိုသို့
ဘတ်စ်ကားစီးလျှင် ကျောင်းစောစောမရောက်ပေမယ့်
သူမအတွက် အိပ်ချိန်တွေပိုထွက်လာမည်။ သို့ပေမယ့်
ဘေးမှာအခုလို လူရှိနေတော့ ဘယ်လိုအိပ်ရပါတော့မလဲ။
"ချောလိုက်တာ .. Idol များလား"
အရှေ့ကနှစ်ဦးရဲ့ အသံတိုးတိုးတွေကို ကြားရပြန်သည်။
သူတို့တွေဆိုသည်မှာလည်း ချောတဲ့လူကို မမြင်ဖူး ၊
မတွေ့ဖူးတာများလားမသိ။ ပါးစပ်ကနေ အဲ့လိုပြောဖို့
လိုလို့လား။ ဟိုအမျိုးသမီးလိုများ တရားလွန်ကြီးလှရင်
တစ်မျိုးပေါ့ ။
ထိုစဉ် မျက်နှာရှေ့အုပ်နေသည့် သူမရဲ့ဆံပင်တွေကို
လက်ညိုးတစ်ချောင်းက ဘေးသို့ပို့လိုက်သည်။
