Bestfriend?!

55

ZIEL’S POV

Binuksan ko yung e-mail ko at nakitang may ilang messages dun. Nickie, Monica, Daniel, Robert, Peter, Angelo, James, Xavier at JOHN.

From: James
Hey, Ziel. My brother misses you so much. Ako din, pati si Jerry miss ka na. Everyone misses you here. When are you coming home? Busy ako but I’ll make time for you. Ingat ka diyan ah.

Napangiti naman ako sa message ni Kuya James. Miss na miss ko na din sila. Alam ko namang busy nga siya, nakakatuwa na nagawa pa niyang paglaanan ng time para mag-message sakin. Alam kong hindi yun masyadong effort pero para sakin malaking bagay na ‘yun.

 

From: Nickie
Hindi pa nga tayo masyadong nakakapag-bond umalis ka na agad! Tsk. Bumalik ka na naman Ziel! Huwag ka masyadong nagpapamiss diyan! :( Contact mo kami kung may kailangan ka ah?

Nakakatuwa na namimiss ako ni Nickie kahit na hindi kami masyadong close.

 

From: Monica
Hoy biatch! Nasaang lupalop ka ba ng mundo?! Bumalik ka na nga dito! Mag-paramdam ka man lang para alam namin na buhay ka pa! Namimiss ko na yung pagsusungit mo sakin eh, namimiss ka na din nung mga ugok oh. Hanggang kailan ka ba magtatago? Ni wala kaming balita sa mga nangyayari sayo. Mas okay na yung tinatarayan mo ko kaysa yung wala ka eh. Oo na namimiss na kita! Bumalik ka na!

Namimiss ko na din na ibully ka! Kung pwede lang sanang bumalik na ko ngayon diyan, Monica. I still have to figure things out. Miss na miss ko na kayo :( Pero pati pagrereply hindi ko magawa. I need time alone.

 

From: Daniel
Hey babe. Huwag kang maingay na tinawag kitang ganyan ah? Baka masapak ako dito eh! Hahahaha! Ang saya saya dito Ziel. Sana nandito ka din… Ang dami mo ng namimiss eh. Bumawi ka pagkabalik mo ah! Kailangan mo kaming ilibre! Ingat ka diyan.

Kung pwede lang akong umuwi na diyan, Dan. Pwedeng pwede naman, pero hindi pa ako handa.

 

From: Robert
Nasaan ka na ba Ziel? Nabawasan na kami ng babae eh. Si Monica na lang tuloy prinsesa namin, minsan naman kasama na din namin si Nickie, pero wala pa din papalit sayo kaya bumalik ka na!!

Naalala ko, ako nga pala yung unang tropa nilang babae. Haha! Rose among the thorns pa ako noon sakanila, tapos talagang protective sila sakin, para silang si—John.

 

From: Angelo
Hindi ako madalas mag e-mail kasi feeling ko ang bakla bakla ko. Pero iba ka eh! I miss you, Ziel. Everyone here misses you, sobrang lungkot pag wala ka. Nadedevastate na kaming lahat. I really hope to see you soon Ziel. Ikaw pa din ang unang babae samin. All boys kami dati eh! Huwag namang all boys na lang din ngayon! Nag-english pa ko sa message ko kasi baka bumalik ka na hahaha! Inom tayo pagbalik mo! Or kung ayaw mo wag na lang basta bumalik ka na lang.

I miss you too, Gelo. Namimiss ko na yung kabadingan mo, namimiss ko na yung kakulitan niyong lahat. Natawa ako sa sinabi niyang baka bumalik ako pag nag-english siya, eh nagi-english naman talaga siya! Hindi lang madalas pero sobrang fluent.  

 

From: Peter
I know you are freaking tired of people messaging you that they miss you, I’m sorry about that but I miss you too. Ngayon lang tayo nagka-hiwa hiwalay nila John simula pagkabata. Hindi ako sanay na hindi kayo masaya. Wherever you are now, sana masaya ka. Bumalik ka pag kaya mo na.