Unicode
ကိုကိုနှင့် အဆက်အသွယ်မရတာ ဒီနေ့နဲ့ဆို သုံးရက်ရှိပြီ။ Fbမှာ သူ့ကို ဘလော့ထားလို့ နေသော့်အကောင့်ကနေ ဝင်ကြည့်ပေမယ့်လည်း သူ့ထက်ကြိုတွေးတတ်တဲ့ကိုကိုက နေသော့်ကိုပါ ဘလော့ထားတာဖြစ်သည်။ ဟားးးး ဒီအခြေအနေအတိုင်းဆို သူရူးရလိမ့်မယ်။ ကြံရာမရတဲ့အဆုံး မမအိလေးကိုပဲ အကူအညီတောင်းဖို့ တွေးလိုက်သည်။ ထို့ကြောင့် မမအိလေးအကောင့်ကို စာပို့လိုက်သည်။
"မမ ဒီရက်ပိုင်း ကိုကိုနဲ့စကားပြောဖြစ်လား"
မီးစိမ်းနေတဲ့ အကောင့်က ချက်ချင်းပဲစာပြန်လာသည်။
"မပြောဖြစ်ဘူး ကလေး ဘာလို့လဲ"
"ကိုကို ကျွန်တော့်ကို ဘလော့ထားလို့
အဲ့ဒါဘာအဆက်အသွယ်မှမရလို့"
"ဟမ်
ရန်ဖြစ်ထားကြတာလား"
"ရန်ဖြစ်တာတော့မဟုတ်ဘူး
ကိုကိုက ကျွန်တော့်ကို စိတ်ဆိုးနေတာ"
"ဘာလို့စိတ်ဆိုးတာလဲ"
ကိုကို့သူငယ်ချင်းပီသစွာ အကျိုးအကြောင်းခိုင်လုံအောင် အရင်အမေးခံနေရသည်။
"ဟို ကိုကို့ကို လိမ်မိသွားလို့"
"အင်းး
မမ ဆက်သွယ်ကြည့်လိုက်မယ်လေ
ကလေးက ဘာ သွားလိမ်တာလဲ"
"ဟို တမင်တကာလိမ်တာမဟုတ်ပါဘူး
ဒီအတိုင်းပဲ လိမ်သလိုဖြစ်သွားတာပါ"
"အင်း
သူ့အကောင့်ကို စာပို့ထားတယ်
အခုတော့ လိုင်းပေါ်မှာမရှိဘူး
စကားပြောဖြစ်ရင် ပြန်ပြောမယ်လေ"
"ဟုတ်မမ
ကျေးဇူးပါ"
ကိုကို တစ်ယောက် ဘာတွေလုပ်နေမလဲ။ စိတ်ပူလိုက်တာ။ သူဖင်ယားမိတာပါ။ အမှန်အတိုင်းပြောပြီး ခွင့်တောင်းလည်း ရနေတာကို သူဘာလို့ အဲ့လောက်တောင် ဥာဏ်နည်းမိတာလဲ။ ဖွံဖြိုးမလာတဲ့ အစိတ်အပိုင်းထဲ ဒီခေါင်းက ညှပ်ပါသွားတာလားမသိဘူး။ တကယ်ကို ရည်းစားပူမိနေတဲ့အခြေအနေကြီးက တော်တော်ဆိုးပါသည်။ ဖင်ကြားကို ငှက်မွှေးကပ်နေသလိုပါပဲ။ တကယ်နေမရခဲ့ပါဘူး။ မမအိလေးဆီကလည်း ဘာသတင်းမှ မထူးသေးဘူး။ ခဏတိုင်းသွားမေးနေလို့လည်းမဖြစ်ဘူး။ အမြင်ကပ်ပြီး ဘာမှပြန်မပြောနေမှ ဟုတ်ပေ့။ ဒါပေမယ့် နောက်ရက်ကျတော့ မမအိလေးက ဖုန်းခေါ်လာပေးသည်။
"ကလေးရေ
သူနေမကောင်းနေလို့တဲ့
ကလေးစိတ်ပူနေတယ်လို့ ပြောပေးထားတယ်"
"ဟင် ဘယ်လိုနေမကောင်းဖြစ်တာတဲ့လဲ မမ"
"အရင်တစ်ခါကလို
အားနည်းပြီး မူးလဲတာတဲ့
အလုပ်ပင်ပန်းသွားလို့လို ပြောတာပဲ"
YOU ARE READING
မဟောင်းတဲ့ပုံပြင်
RomanceUnicode လူတိုင်းမှာပုံပြင်ကိုယ်စီရှိကြတယ်၊ တချို့ပုံပြင်တွေကတော့ အချိန်တန်တာနဲ့ ပျောက်ကွယ်သွားရတယ်။ သူတို့နှစ် ယောက်ရဲ့ပုံပြင်ကတော့ ဘယ်တော့မှမဟောင်းမယ့်ပုံပြင်တစ်ပုဒ်ပါပဲ။ Zawgyi လူတိုင္းမွာပုံျပင္ကိုယ္စီရွိၾကတယ္၊ တခ်ိဳ႕ပုံျပင္ေတြကေတာ့ အခ်ိန္တန္တာနဲ...
