မဟောင်းတဲ့ပုံပြင်

Chapter 1

Unicode⬇️

သူ့နာမည်က ပြည့်သူ၊ သူ့အသက်က ၂၁နှစ်၊ အချစ်ရေးကတော့ single။အခုသူ၇ောက်နေတာက နေပြည်တော်။အမှန်က သူကမန်းလေးသားစစ်စစ် ၊ ဒါဆိုနေပြည်တော်ကိုအလည်လာတာလားဆိုရင်လည်း မဟုတ်ပါ။ နယ်နှင်ဒဏ် ပေးခံလိုက်ရတာဆို မှန်ပေမည်။ လွန်ခဲ့တဲ့လက ရန်ဖြစ်မိပြီး ရဲစခန်းရောက်ခဲ့ရသဖြင့် မာတာမိခင်က သူရော၊ သူ့ညီ နေသော် ကိုပါ အကိုအကြီးဆုံးရှိရာ နေပြည်တော်သို့ ပို့လိုက်ခြင်းဖြစ်သည်။ ရန်ဖြစ်ရတာကလည်း သက်သက် လူမှားပြီး စိန်ခေါ်ခံရတာကနေစတာဖြစ်သည်။ ဒီအတိုင်း ရှောင်ထွက်သွားရင်လည်းရပေမယ့် ဒါမျိုးက မိမိလက်မခံ။ အဲ့တော့ နောက်ဆုံးဘာဖြစ်လဲ၊ မဲဇာမြို့ကို ရောက်ရပြီလေ။ သွားစရာ လာစရာမရှိ၊ ပူပြင်းလှတဲ့ နေပြည်တော်ကို သူရော၊ သူ့ညီက မဲဇာမြို့ဟု အမည်ပေးထားလိုက်သည်။

သူ့အကိုကြီးက ဒီမှာ business and management သင်တန်းဖွင့်ထားခြင်းဖြစ်သည်။ နှစ်ထပ်တိုက်၏ အောက်ထပ်မှာ သင်တန်းဖွင့်ထားပြီး အပေါ်မှာ သူတို့နေကြသည်။ အသိမိတ်ဆွေလည်းမရှိ၊ မုန့်ဖိုးပါ ဖြတ်ခံထားရတော့ ပိုက်ဆံမရှိတဲ့နှစ်ကောင်သားဟာ တစ်နေကုန် netflixကဇာတ်ကားတွေကြည့်လိုက်၊ ဖုန်းသုံးလိုက်နှင့် တစ်နေ့တစ်နေ့ အခန်းအောင်းမင်းသားတွေလုပ်နေကြရသည်။

wifiတပ်ပေးထား၍ တော်သေးသည်ဟု ပြောရမည်။ တစ်နေ့ ig မှာ ပတ်မွှေနေတုန်း သူဘယ်တုန်းက followလုပ်ထားမိမှန်းတောင် မသိသော အကောင့်တစ်ခုက တက်လာတဲ့ပုံကို သတိထားမိလိုက်သည်။ ပုံကတော့ သူ့ထက်အသက်ကြီးမည်ထင်ရတဲ့ ယောက်ျားလေးတစ်ယောက် ဂစ်တာတီးနေတဲ့ပုံဖြစ်သည်။ သူသတိထားမိတာက အဲ့အကိုကြီးလက်က ဂစ်တာပဲဖြစ်သည်။

ဂစ်တာက သူအရမ်းလိုချင်နေတဲ့ taylor brandထဲက baby taylorလေး။
အားးးး လိုချင်လိုက်တာ၊ တီးလိုက်ရရင် ဘယ်လောက်ကောင်းမလဲ(ဂစ်တာကိုပြောတာ)
အဲ့ဓါတ်ပုံထဲကတစ်ယောက်ကလည်း သူလို ဂစ်တာရူးလားမသိ၊ အကောင့်ထဲဝင်ကြည့်ဦးမှ။
ပုံတွေထဲမှာတွေ့ရတာကတော့ အပြုံးချိုချို ဆံပင်ကောက်ကောက်လေးနှင့် အမျိုးသားတစ်ဦးဖြစ်သည်။ ရုပ်ကတော့ကြည့်ကောင်းသည့်အထဲပါသည်ဟု ပြောရမည်။တင်ထားတဲ့ဓါတ်ပုံတွေအရကတော့ မြန်မာဆိုတာသေချာပေမယ့် နိုင်ငံခြားကိုရောက်နေတာနှင့်တူသည်။