မဟောင်းတဲ့ပုံပြင်

Chapter 24

Unicode

"So miss you"ဆိုတဲ့စာကြောင်းလေးတစ်ကြောင်းက သူ့ဘဝကို ပင်ပန်းစေမယ်မှန်းသိခဲ့လျှင် သူဖင်ယားပြီး ထိုစာကြောင်းကို ပို့ခဲ့မိမှာမဟုတ်ပါ။ အခုတော့ သူဟာ သနားစဖွယ်ဖားသူငယ်ဖြစ်နေခဲ့ပြီ။ အရင်လို လွယ်ကူစွာ ကိုကို့ဆီ စာတွေ မပို့နိုင်တော့။ နာကျင်လိုက်ပါဘိ။ နောင်တဆိုတာ နောင်မှရတဲ့အမျိုးပါလားးး။

ရှင်းပြပါမည်။သူပထမဆုံးဖြေတဲ့ အင်တာဗျုူးမှာတင် အလုပ်ရခဲ့လို့ အခုဆိုအလုပ်လည်း ဆင်းနေပြီဖြစ်သည်။အလုပ်ချိန်က တနလာကနေ သောကြာမှာ မနက် ၈နာရီကနေ ညနေ ၅နာရီခွဲထ်ိဖြစ်သည်။ စနေ၊ တနဂနွေပိတ်တာဆိုတော့ ကိုကိုက ထိုပိတ်ရက်နှစ်ရက်မှာ ကားမောင်းသင်တန်းတက်ခိုင်းလို့ ကားမောင်းသင်တန်းလည်းသွားတက်နေပြီဖြစ်သည်။ တစ်ပတ် ပိတ်ရက်လေးနှစ်ရက်မှာ ကားမောင်းသင်တန်းအပြေးအလွှားသွားတက်နေရတော့ သူ့မှာ သေချာကောင်းကောင်းလည်းမနားရ။ အလုပ်တက်ရတဲ့ရက်တွေမှာ ငါးနာရီခွဲရုံးဆင်းလို့ သာ တော်သေးသည်။ သူအိမ်ပြန်ရောက်ချိန်ဆို ၆နာရီလောက်ဖြစ်နေပြီ။ အဲ့အချိန်ဆို ကိုကို့ဆီမှာက ၈နာရီခွဲနေပြီ။ ဒါ့ကြောင့် အိမ်ရောက်တာနဲ့ ခဏနားရင်း အဲ့အချိန်လေးမှာ ကိုကိုနဲ့ခဏစကားပြောလို့ရသည်။ ပြီးရင် ကိုကိုက သူ့ကိုနောက်မကျခင် ရေချိုး၊ ထမင်းစားဖို့ပြောမည်။ သူရေချိုး၊ ထမင်းစားပြီးရင် ကိုကို့ဖက်မှာ ၁၀ခွဲလောက်ဖြစ်နေပြီ။ ကိုကိုက သူ့ကိုစောင့်နေပေးသဖြင့် ကိုကို့ကို ချော့သိပ်ရသည်။ သူ့လူကြီးလေးက ချော့မသိပ်ပေးလည်း ရပါတယ်ပြောပေမယ့် သူကတော့ မရပါ။ ကိုကို စိတ်ချလက်ချ အိပ်ပျော်စေချင်သည်လေ။ တစ်ခါတစ်လေ မေမေ့ကို ညစျေးလိုက်ပို့ပေးရတဲ့အခါများတွင်တော့ သူကနောက်ကျသဖြင့် ကိုကို့ကို အားနာလို့ မစောင့်တော့နဲ့ဆိုပြီး စောစောအိပ်ခိုင်းတဲ့အခါမျိုးလည်း ရှိပါသည််။ ဘာပဲဖြစ်ဖြစ် ညပိုင်းစကားပြောချိန် ခဏတော့ ရှိခဲ့ပါသေးသည်။
အဲ့လိုလေးပုံမှန်လည်ပတ်နေတာကို ကမောက်ကမဖြစ်အောင် သူလုပ်မိတာပါ။ အဲ့ဒီစာကြောင်းနဲ့ပေါ့။

"so miss you"

သူက ကိုကို့ကို အရမ်းလွမ်းတယ်ဆိုတဲ့ အဓိပ္ပါယ်နဲ့ ဘိုလို ပို့လိုက်သည်။ ခပ်တည်တည်နဲ့ပေါ့။ ဒါကို ကိုကို့ဖက်က ဘယ်လိုစာပြန်လာသလဲဆိုတော့
"I miss you so much ပဲပြောလို့ရတယ်လေ
so miss you လို့ပြောမရဘူး
အရင်ကတည်းက မင်းပို့တဲ့ english လိုတွေမှာ အမှားတွေအများကြီးပါတယ်
ဒီအတိုင်းတော့မဖြစ်သေးဘူး" တဲ့လေ။