ရှင်ငြိမ်းရဲ့ အိမ်ကို ရောက်တော့ သားဇွဲ က မနက်စာ စားနေပြီး မခကို မြင်တာနဲ့ ထကာ သူ့အမေရင်ခွင်ထဲ တိုးသွားသည်။
"မခအလည်လာတာလား၊ လာ လာ မုန့်တခါတည်းဝင်စား"
"ငါအစ်ကိုနိုင်ထက် နဲ့ စားခဲ့ပြီ "
"ဟုတ်လား အဲ့ဒါဆို ထိုင်အုံးနော် သားကို မုန့်ကျွေးလိုက်အုံး အအေးသောက်မလား"
"နေပါရှင်ငြိမ်းရာ ငါ့ကို အထူးဧည့်သည်ကြီးလို လုပ်မနေပါနဲ့ ငါသားဇွဲနဲ့ ဆော့ချင်လို့ လာတာ "
ထိုအခါမှ ဖင်တကြွကြွနဲ့ ဘာလုပ်ပေးရမလဲ ပြင်နေသော ရှင်ငြိမ်းက ထိုင်ကာ ကလေးကိုပဲ မုန့်ကျွေးနေသည်။သားဇွဲက တော့ သူ့အမေ ရင်ခွင်ထဲကနေ မသိမသာလေး ကျွန်တော့်ကိုလှမ်းလှမ်းကြည့်တာ ကြောင့် ပြုံးပြလိုက်တော့ မျက်တောင်လေး ပုတ်ခတ်ပုတ်ခတ်နဲ့ ကြည့်နေသည် ။ မနေ့ညက သူ့ကို တော်တော်လန့်သွားတာဖြစ်မယ်။
"သားလေး ဦးဦးနဲ့ဆော့နေနော် မေမေက ဈေးဝယ်စရာလေးရှိသေးလို့ ဖေဖေနဲ့ မြို့ထဲ ခဏသွားအုံးမယ် "
ကလေးက ခေါင်းငြိမ့်ကာ ရှင်ငြိမ်းပေါ်ကဆင်းလာပြီး ကျွန်တော့်ဆီ တရွေ့ရွေ့တိုးလာသည်။ ပြုံးကာ ပွေ့ချီလိုက်ပြီး ပေါင်ပေါ် တင်ထားတော့ စားပွဲပေါ်က coffee ပန်းကန်ကို ဇွန်းလေးနဲ့ ခပ်သောက်နေသည်။
"လိမ္မာလိုက်တာ ဦးဦးနဲ့နေနော်"
"ဟုတ် "
"ဒါနဲ့ ကို ... အစ်ကိုသောမာန်က ကျူရှင်မရှိဘူးလား"
"ဟုတ်တယ် ဒီနေ့နားတယ်လေ အဲ့ဒါ ငါရောင်းစရာပစ္စည်းတွေ ကုန်နေတာနဲ့ လိုက်ပို့ခိုင်းမလို့၊နင်လိုက်ခဲ့မလား"
"မလိုက်တော့ဘူး သားနဲ့ အိမ်မှာပဲ နေခဲ့မယ် "
"အေးအေး နင်လိုတာ ရှိရင် ကလျာကို ခိုင်းလိုက်၊ ထမင်းရော ချက်ထားတယ် ညနေကျမှ ပြန်နော်"
"အေးပါ "
လှေကားပေါ်ကနေ ဆင်းလာတဲ့ မာန်က သူ့ကို မြင်တော့ အံ့ဩသွားဟန် ။ အနည်းငယ်မို့ဖောင်းနေတဲ့ မျက်ဝန်းတွေနဲ့ မျက်နှာကလည်း သိပ်မလန်း ။ သို့သော် ရှပ်အင်္ကျီ အညိုကွက်လေးနဲ့ ပုဆိုးအနက်အကွက်စပ်လေးဖြင့် ရိုးရှင်းစွာ ခန့်ညားနေသည်။
YOU ARE READING
ဟေမန်ခသော နွေ
Romanceမိသားစု ပြဿနာတွေကြောင့် မေတ္တာလိုနေတဲ့ ကလေးတစ်ယောက်၊ သူပထမဆုံး နှစ်သက်စွဲလမ်းမိတဲ့ လူက အေးမြတဲ့ ချစ်ခြင်းမေတ္တာတွေ ပေးခဲ့သလို ပူဆွေးခြင်းတွေလည်း ဒွန်တွဲပါလာခဲ့သည်။ ထိုကလေး ရွေးချယ်လိုက်တဲ့ ဘဝရပ်တည်မူက ချောက်ကမ်းပါးလား? စွန့်လွတ်ခြင်းလား? မိသားစု...
