"မေမေ အိမ်ပြန်ရအောင်နော် "
အတင်းဆွဲကာ ထားတဲ့ မခ လက်ကြောင့် မိုးမခနွယ် လှည့်ကြည့်လာသည်။ ထို့နောက်ငိုနေသော မခ မျက်နှာအား လက်နဲ့ အသာအုပ်ကိုင်လိုက်ပြီး သူမကို ကြည့်စေ၏။
"ငယ်သွေး သားမာန်ကို ယုံလား"
"....."
မေမေ စကားကိုမဖြေနိုင်။ကျွန်တော်ကိုကို့ကို ယုံတယ် ဒါပေမယ့် အခြေနေက အရင်ကလို မဟုတ်ဘူး။မာန့်မှာ သားလေးရှိတယ် ၊ အရမ်းနားလည်ပေးပြီး ဂရုစိုက်တတ်တယ် အမျိုးသမီးရှိနေတယ်။ ဘယ်လို ရင်ဆိုင်ရဲမှာလဲ
"သားမဖြေနိုင်ဘူးလား "
"တောင်းပန်ပါတယ် မေမေ သား .... သားကိုကို့ ပေါ်မှာ အပစ်ကျူးလွန်မိပြီထင်တယ် ။တကယ်တော့ သားမရည်ရွယ်ပါဘူး သူတို့ မိသားစုကို သားတို့လို အဖြစ်မျိုး ဖြစ်အောင် ရည်ရွယ်ခဲ့တာမဟုတ်ပါဘူး။ သားဇွဲလေးကိုလည်း ဒုတိယ မခ အဖြစ်မခံနိုင်ဘူး။ ဒါပေမယ့် မေမေရာ သား ကိုကို့ ကိုမြင်တိုင်းရူးသွားမလိုတောင် ခံစားရတယ် ။သား ဘာကိုမှ မရည်ရွယ်ပဲ ဒီအတိုင်း....ဒီအတိုင်းလေး ချစ်နေမိရုံပါ "
"ငယ်သွေးရယ်... "
ဆေးရုံအဆောင်ဘက် သွားတဲ့နေရာက လူရှင်းနေလို့သာ မခ ကလေးတစ်ယောက်လို အော်ငိုနေပုံအား မိခင်ဖြစ်သူသာ တွေ့ရသည်။ သူမထက် ခေါင်းတစ်လုံးမြင့်နေသော သားအား ပွေ့ဖက်လိုက်တော့ ငယ်ငယ်ကအတိုင်း ခေါင်းတိုးဝင်ကာ မှီလာသည်။
"ငယ်သွေးကို မေမေက အပြစ်တင်တာမဟုတ်ပါဘူး။ သား သေချာနားထောင်နော် ၊ သားက ဘာပဲ ဖြစ်ဖြစ်မေမေ့ရဲ့သားပဲ။ တလောကလုံးနဲ့ တစ်ယောက်ဖြစ်နေရင်တောင် ငယ်သွေးဘက်မှာ မေမေ တစ်ယောက်လုံးရှိနေသေးတယ် ။နောက်ပြီး သားအပြစ်မလုပ်ထားဘူးဆိုတာလည်း မေမေသိတယ် ။ အိမ်ထောင်ရှိပြီးသား ယောကျာ်းတစ်ယောက်ကို သားက သွားကြိုက်တာမှ မဟုတ်တာ ငယ်သွေး ငယ်ငယ်ကတည်းက ဘယ်သူကို မျှော်ကြည့်နေခဲ့တယ် ဆိုတာ မေမေ မသိဘဲ နေမလား"
အခုမှ အားကိုးရသော ကလေးငယ်လို မိုးမခနွယ်ရဲ့ ပုခုံးပေါ်က အင်္ကျီစ စိုရွဲသွားသည်အထိ ငိုနေသည်။ဒါတွေက သူမ အမှားလည်းမကင်း။အရွယ်နဲ့ မလိုက်အောင် အထီးကျန်နေတဲ့ ကလေးကို သူမ ပစ်ထားခဲ့မိတာ ။ သံယောဇဉ် တွယ်စရာ ဘေးနားအမြဲ ရှိနေခဲ့တဲ့ လူသားကို စွဲလမ်းသွားတာက အပြစ်ဆိုလို့မှ မရဘဲလေ ။
YOU ARE READING
ဟေမန်ခသော နွေ
Romanceမိသားစု ပြဿနာတွေကြောင့် မေတ္တာလိုနေတဲ့ ကလေးတစ်ယောက်၊ သူပထမဆုံး နှစ်သက်စွဲလမ်းမိတဲ့ လူက အေးမြတဲ့ ချစ်ခြင်းမေတ္တာတွေ ပေးခဲ့သလို ပူဆွေးခြင်းတွေလည်း ဒွန်တွဲပါလာခဲ့သည်။ ထိုကလေး ရွေးချယ်လိုက်တဲ့ ဘဝရပ်တည်မူက ချောက်ကမ်းပါးလား? စွန့်လွတ်ခြင်းလား? Cover ph...
