တက်သွားတဲ့အချိန်တုန်းကနေသာပေမယ့် တဖြည်းဖြည်းမှိုင်းညို့လာသော တောင်ရံထက်မှာ မိုးတိမ်များနှင့် အေးချမ်းလျှက်ရှိသည်။မလှမ်းမကမ်းမှ ရပ်ကြည့်နေဆဲ ပျိုမေလေးများကို ကြည့်ပြီး မခ ဒီအတိုင်းမသိချင် ယောင်ဆောင်ပြီးမနေနိုင်တော့။ မော်ဒယ်ဖြစ်တဲ့သူလို အကြည့်ခံရတာ အိုးတိုးအမ်းတမ်းမဖြစ်အောင် ပဲများမနေတတ်တာဆိုမှန်မည်။
"အစ်ကိုနိုင်ထက် ခင်ဗျား သူတို့လေးတွေနဲ့ ဓာတ်ပုံတွဲရိုက်ပေးလိုက်ပါလား "
"မင်းက ရိုက်စေချင်တာလား"
"အင်း ရပ်ကြည့်နေတာ တော်တော်ကြာပြီ ခင်ဗျားကို မပြောရဲလို့နေမှာ"
"ဟုတ်ပါပြီ မင်းရိုက်စေချင်ရင် ကိုယ်ရိုက်ပေးလိုက်မယ်"
လက်နှစ်ဖက်ကို နောက်ပြန်ထောက်ပြီး ပြီတီတီမျက်နှာပေးက တခြားသူအတွက် ရင်ခုန်စေမှာ မှန်သော်လည်း မခဆိုတာ နိုင်ထက်ဖို့တော့ ဘယ်လိုမှ ကလိလို့မရတဲ့အရာ
"ခင်ဗျားတောင်ပေါ်ကနေ မိုက်ကယ်ဂျက်စင် အကနဲ့ ပြုတ်ကျချင်လား"
"သွားပြီ သွားပြီ အခုသွားလိုက်ပါ့မယ် "
မတ်တတ်တန်းထကာ ခပ်သုတ်သုတ်ပြေးသွားသော နိုင်ထက်အား ရယ်ကာ လှမ်းကြည့်နေရင်း မီးဝန်းဝန်းတောက်နေသလားထင်ရတဲ့ မျက်လုံးတွေနဲ့ ကြည့်နေသော ဒေါ်ယဉ်ငြိမ်းမေကြောင့် အမြန်အကြည့်လွှဲလိုက်ရသည်။
အရင် ဆင်းသွားနှင်ရင်ကောင်းမလား။
ထိုအချိန် အိတ်ကပ်ထဲက ဖုန်းသံကြောင့် ထုတ်ကြည့်လိုက်တော့ မေမေဆီက
"Hello မေမေ"
"သားအခု အလုပ်မှာလား"
"မဟုတ်ဘူး သား သူငယ်ချင်းတစ်ယောက်ရဲ့အလှူကို လိုက်သွားတာ ။ ဘာဖြစ်လို့လဲမေမေ"
"မေမေ သားဆီပြန်ရောက်နေတာ တိုက်ခန်းက တံခါးပိတ်ထားလို့"
"တကယ် ? မေမေတကယ်သားဆီရောက်နေတာလား"
"Hello ... သား လိုင်းမကောင်းဘူး သားဘက်က အသံဝါးနေတယ် "
"ခဏခဏ မေမေ သားနေရာပြောင်းကြည့်လိုက်အုံးမယ် "
YOU ARE READING
ဟေမန်ခသော နွေ
Romanceမိသားစု ပြဿနာတွေကြောင့် မေတ္တာလိုနေတဲ့ ကလေးတစ်ယောက်၊ သူပထမဆုံး နှစ်သက်စွဲလမ်းမိတဲ့ လူက အေးမြတဲ့ ချစ်ခြင်းမေတ္တာတွေ ပေးခဲ့သလို ပူဆွေးခြင်းတွေလည်း ဒွန်တွဲပါလာခဲ့သည်။ ထိုကလေး ရွေးချယ်လိုက်တဲ့ ဘဝရပ်တည်မူက ချောက်ကမ်းပါးလား? စွန့်လွတ်ခြင်းလား? မိသားစု...
