K-Pop Oneshots

Son Seongjun {MCND}

Übersicht:
⋆ Thema: No sense. Der OS ist auf Schweizerdeutsch. Mir war langweilig und ich wollte mal etwas Neues ausprobieren.
⋆ Wörter: 770
⋆ Geschrieben: 02.06.2020 // 23:35 Uh
___________

Son Seongjun*

Eigentlich ha ich wele entspannt mini Lieblingssendig 'Schudel on the Rocks' luege, bevor ich e Lüte a de Türe ghört ha. Gnervt stoh ich uf und lueg uft Uhr.

«Da cha doch nid si! Als ob Schuel scho fertig isch!», murmle ich gnervt und mach d'Türe vom Dorm uf. BIC, Minjae, Huijun, und Win chömed wie Zombies in Dorm ineglofe und wörfet sich erschtmol erschöpft ufs Sofa. «Manoman. Franz hani wiedermol verhaue!", beweint Win und packt sis Envol 9 usem Ranze. Er wörfts i mini Richtig und meint: «Unité 3. De Horror seg ich dir!»

Ich schüttle nur min Chopf und mach das Buech gar nid uf, sondern legs an Esstisch ane. «Hyung, häsch öbbis chochet?», erkundigt sich Minjae, doch ich zucke nur mit de Schultere. «Hey! Also luegsch lieber 'Schudel on the Rocks' anstatt üs öbbis zum Esse mache? So isch es, oder?», knurrt Minjae und lehnt sin Chopf gnervt in Nacke. «Nimm doch e Toblerone. Ich glaub mir händ no e paar», antworte ich nur druf, Grins breit und quetsch mich ufs Sofa, ehe ich mini Sendig weiterlueg.

«Wenn du so witer machsch, denn dörfsch nid zum private Fanmeeting mit Alain Berset und dem Roger Federer. Eig söttet mir im Bundrshus uftrete aber HMMM! Mir chönd au eif absege, wenn du wetsch», git BIC sin St.Galler Senf dezue und verschränkt dÄrm vo de Bruscht. «Du chasch nid eif absäge, da weisch scho, oder?», hinterfrog ich die ganz Sach. «Also choch!», drängt mich Huijun. Gnervt verdrüll ich dAuge und lauf it Chuchi. Das einzige was ich finde cha sind Herdöpfel und Aromat.... «Lusbuebe! Händ ihr luscht uf Röschti?», brüll ich lut, somit mich au jede im Dorm höre cha. «Ja!!! Röschti!!!», freut sich Win, worufhi ich stolz lach und afang zu choche.

___________

Als ich endlich fertig worde bi, lauf ich mit de Pfanne, e paar Teller und Bschteck it Stube. Ich ha viel Balance brucht, trotzdem ha ich es irgendwie gschafft. «Ich ha...», fang ich ha, bemek aber, was die jüngere sich im Fehrnse alueget. «SWITZERLAND'S NEXT TOPMODEL BY MANUELA FREY? Nei, dass lueget ihr eu bitte nid!», seg ich furuckt und stell das Obigesse uf de Tisch. Schnell wechslet BIC de Sender. «...und du bechunsch hüt ä roti Rose», ghör ich en Ma sege. «Halt stop! Etz isch aber fini! Maintenant il n'y a pas de télévision!», seg ich und riss BIC die Fernbedienig us de Hand. «Wenn ihr no e Gelato wend, den tönd bisseguet normal», befil ich und gib jedem e Stuck Röschti. Schnell würz ich jedes Röschti mit en schüch Aromat und scho isch de Cena agrichtet. «Buon Appetito!», seg ich allne und fang a Esse. «Oh wart! Mit händ de Holunderblüete Kirsch Sirup vergässe! Ich gonen schnel go hole!», bemerkt Minjae und verschwindet schnell it Chuchi. «Wo isch es nomol?», frögt er. «Im Chuchichäschtli! Nebet de Rivella und de Ovi!», brüllt Win. «Und chasch no bitte es Sackmesseo bringe!», füegt er no schnell dezue. «Warum da denn?», frog ich und heb e Augebraue it Höchi. «Du häsch mir vergesse es Messo zu bringe. Also bruch ich mis Sackmesso», protischtiert Win und isch au grad zufriede, als Minjae mit Sirup, Gläser und sim Schwizer-Sackmesso wieder zrugchunt.
«Also etz aber. Enguete mitenand!»
___________

Nachem Esse simmer no is Tanzstudio gange um üs fürs Meeting mit dem Alain und de Roger vorzubereite. Doch plötzlich fort sich de BIC fruschtriert durch dHoore. «Ich ha am April Geburi ka. DLehrerin hät gseit ich söt morn no en Znüni mitneh!», segt BIC ufbrocht und luegt mich mit grossi Adlerauge a. «Sött ich etz also no schnell in Migros, go Brot und Schoggistängel chaufe?», frog ich, woruf de BIC nickt. «SBB sött jo no fahre», meint Huijun. «Oke oke».

Sofort brich ich mit dem Training ab und fahr mit de SBB it Stadt. Zum Glück isch de Migros grad nebet dem Bahnhof, weswegen ich schnell BIC Zügs ichauf.

(...)

Nachdem ich min Ikauf betätigt ha, renn ich schnell zrug und erwisch sogar de nächscht Zug zrug zum Dorm. Acho bemerk ich, dass au de rescht wieder zrug isch. Die meischte sind scho im Bett am schlofe, nur de Huijun stoht no mitte ide Stube und spielt mit sim Diabolo. „HEILANDSACK NOMOL, Huijun! Go go schlofe! Aber hopp! Allez! Morn häsch Schuel!"

Und so wendet sich de Obig langsam zu Endi. Ich setz mich endlich entspannt ufs Sofa ane und lueg Comback TV vo „Schudel on the Rocks", bis au ich irgendwenn mol ipennt bin...