Psychopath || B.BH ✔️

Chapter 65

سەلام 👋🏼

دووبارە هاتمەوە بە بەشێکی نوێ! تکایە خۆشەویستی زۆری پێ ببەخشن 🥺

ئەو وشانەی بەکارهاتوون:-

ڕەختە: تۆکمە، بەهێز وە بەرگەی پەستانی زۆر دەگرێت
ئاکار: وردەکاری ڕووخسار یاخود ( ملامح الوجه )
ژاکاو: لاواز و بێ هێز یان سیسبوو

چێژی لێ ببینن ♥️

════════ ∘◦❁◦∘ ════════

Young ah's POV

هەندێک سات دێنە پێشەوە کە هێزمان لەدەست دەدەین و هەنگاوەکانمان ژاکاو دەبن کاتێک ڕادەکەین لە ترسی ئەو کابوسانەمان کە لە ژیانی ڕاستیدا لەگەڵماندان، بەدوای ئەو تروسکایی ڕووناکییە دەکەوین کە لە کۆتایی تونێلەکەوە دەیبینین.

بەربەستی دڕکاوی ڕێمان پێ دەگرن و جەستەمان دەشێوێنن پاشان ڕەنگی سوور دەردەکەوێت لە جێ برینەکانمانەوە ئاگادارمان دەکاتەوە لەوەی کە بەدوایدا دێت، بەڵام ئێمە بەردەوام دەجەنگێین چونکە وادەزانین دەبێت هەمیشە دوای ناخۆشی خۆشی بێت.

ئازار چەپۆکەکانی بەرزدەکاتەوە و بە یەک لێدان لەناومان دەبات پاشان دەگەڕێتەوە دواوە و خەون و ئاواتەکانمان بە پەلەکانیدا دەتکێتە خوارەوە و دەچۆڕێتە نێو تاریکی پێش ئەوەی بگات بەو تاڵە ڕووناکییە کزەی لە کۆتایی ڕێگاکەدا دەبینرا.

خەندە دەکەین هەرچەندە ئەو پارچە گۆشتەی نێو ئێسکەکانمان لە تاڵی ئازارەکانیدا دەگری، وە درۆ دەبارێنین بەسەر خۆماندا تاگەشبین ببین و چاوەڕوانی کۆتاییەکی شیرینی شیلک تام بکەین تاوەکو مێشکمان بشواتەوە لە هەموو خەم و پەژارەیەک.

بەڵام کە دەگەین دوای هەوڵ و هیلاکییەکی زۆر و ئێمە لە سەرەمەرگداین بۆمان دەردەکەوێت هەموو هێز و توانامان بەکاربردووە بە ئومێدی گەیشتن بە کۆتاییەک کە لە ڕاستیدا تەنها سەرەتایەک بووە.

پێشبینییەکان یەک بەدوای یەک دەکەونە خوارەوە لەو ساتەوەی لێوەکانی پێکەوەنا و کۆتایی بەو ڕستەیە هێنا کە ترپەکانی دڵمی ئەشکەنجەدا و لەگەڵ یەکەم وشەوە هەموو ئەوانەی گوت کە نەمدەویست لێیەوە بیبیستم.

چاوەڕوان بووم نوقمی وشەی خۆشەویستی و نیگەرانیم بکات وە پێم بڵێت کە ئەم جیهانە تەنها ئێمەی تێداین وە هەتاوەکو پێکەوەبین هیچ ڕەشەبایەک ناتوانێت ئاڕاستەی چارۆکەکەمان بگۆڕێت، دەستەکانی نوقمم بکات و شەیدای پیتەکانی ناوم بکات کە لەنێو گلێنەیدا نەخشاندوویەتی، ڕامبکێشێت بۆ قوڵایی چاوەکانی و دەستگیرمبکات تێیاندا تاوەکو یەکێک ڕامدەچڵەکێنێت.