Psychopath || B.BH ✔️

‏Chapter 64

سڵاو ئەستێرەکانم ✨

چەند وشەیەک کە بەکارهاتوون لەم بەشەدا:-

چەشنی:هاوشێوەی
جڵەوگرتن: کۆنترۆڵکردن

چێژی لێ ببینن ♥️

════════ ∘◦❁◦∘ ════════

Baekhyun's POV

بوونەوەری خۆشەویستیم دەبینی بەسەر سەریدا دەفڕین کاتێک تیری پەمەیی هەڵدەدا و ناوی خۆی هەڵدەکۆڵی لە دڵمدا بە هەموو وردەکارییەکانییەوە تاوەکو شێت و شەیدای ئەو ئافرەتە ببم زیاتر و زیاتر لە پێشتر.

نوقمی ماچەکانی بووبووم تا سەر ئێسقان دەتگوت ئەم جێگەیە هێزی زیاترم دەداتێ تاوەکو هەرگیزاو هەرگیز تێرنەبم لە ماچکردنی.

بریسکەیەکی سپی لە نێو چاوەکانییەوە دەردەچوون کە ئاگری بەردەدایە جەستەم بە هێواشی بە هەمان شێوەی لێدانی بروسکە لە دارستانێک و دواتر سوتاندنی یەک بە یەکی دارەکانی تاوەکو هەموو پاشماوەکەی تەنها خۆڵەمێش بێت..

جوڵەی دەستەکانی لەپشتی ملم ئاگر زیاد دەکاتە سەر ئاگرەکەی ناخم وە پێش کاتی خۆم دەمکات بە خەڵوز و پاشان پاشماوەکەم دەدات بە بادا تاوەکو کۆکردنەوەم ببێتە کارێکی مەحاڵ.

ئەو ئافرەتە بەبێ وێنەیی دروستکراوە و یەک مێیینەی دی لەم گەردونەدا ناکرێت پێی بگاتەوە نە بە جوانی وە نە بە ناسکی وە نە تەنانەت بە نازدارییەکەی..

وە من زەنگینترین پیاوی دونیام بەهۆی بەدەستهێنانی ئەم ئەڵماسە دەگمەنە کە تەنها وێنەی من دەشکێنێتەوە لەنێویدا و پەیمانم لێ وەردەگرێت کە بیپارێزم بە درێژایی ژیانم چونکە بێ ئەو ژیان بوونی نییە.

لە لێواری کۆتایی هێنان بووم بە سێهەمین ماچ وە چوارەم لە چاوەڕوانیدا بوو و بەدوایدا چەندانێکی دی نۆرەیان گرتبوو ئەمەش دەیسەلمێنێت کە ئەمشەو من وازیلێناهێنم بەڵام لەناکاو دەنگی پچڕانی پەتی پلانەکانم هات وە بەبێ ئەوەی تەنانەت بە ئەندازەی یەک مێروولە برسێتیم بڕەوێتەوە چاوم کردەوە بەسەر ڕووخساری یۆنگ ئاهدا کە چۆکیدابوو بۆ بەرکەوتنەکانمان وە ڕووم وەرگێڕا بۆ ناسینەوەی کەسی بێزارکەر بەڵام ناسینەوەی ئەو ڕووخسارە ئاسان نەبوو.

" بیۆن بێکهیۆن " دەنگی مرۆڤێک هات بە پێکەوەلکاندنی چەند پیتێک بۆ دروستکردنی ناوێک کە خاوەنەکەی نەدۆزراوە بوو بەڵام بەرکەوتنی ئەو ناوە بە گوێم وەک بەرکەوتنی بەردێک بوو بە ڕووی دەریا کە لە ئەنجامیدا پرژەی دڵۆپی ئازار بڵاوبوویەوە بە دەمارەکانی سەرمدا، وە کەوتمە قوڵایی هەستێکی سەیرەوە پێش ئەوەی توشی سەرسوڕمان ببم بەهۆی ناسینەوەی ئەو دەنگە لەلایەن گوێیەکانم کە لە ئەنجامیدا وێنەکەی لەپێش چاوم ڕوونبوویەوە لەنێو تاریکییەکەدا.