حاصلة على المركز الأول في #تنمر #اجتماعية #نفسية #سادية بتاريخ ٥ فبراير ٢٠٢١
المركز الأول في تصنيف #مرض بتاريخ ١٣ فبراير ٢٠٢١
كان قاتماً بماضٍ مؤلم
أستعاد نوره بعشقٍ جديد
ولكن ماذا لو أن هذا العشق كاذباً حتى الثُمالة؟!
ماذا سيفعل رجل أعتاد أن يقسو...
بدر اللي نصح شهاب بدل المرة مليون.. بدر اللي مرضيش يضيع حياة شاب زي شهاب ورفض إن سليم يقدم كل إللي معاه من البداية.. بدر اللي حب يساعده بالعقل منفعش زق عليه فيروز.. بدر اللي لما راحله وقاله تشهد على الجواز وافقه.. بدر اللي شهد على جواز اخو شهاب واخت فيروز.. بدر اللي فجأة اكتشف إن شهاب اغتصـ ب بنت أخته (بغض النظر عن شخصيتها عمر ما ده كان عقاب لأي بنت في الدنيا لو حتى من جيش العدو).. فجأة عرف إنه اعتدى على مراته (فيروز) إللي الكل يشهد هي قد إيه إنها انسانة محترمة.. واتاخد في المعمعة بتاعته هو وأروى بطلقة في رجليه.. دي اخر ذكرى شهاب سبهاله..
شهاب بقى مش هتكلم عن علاقته بفيروز.. خالص.. نهائي.. هتكلم عن علاقته ببدر الدين.. مبدئيًا لبس بنت اخته (زينة) قضية وشالها سليم! راح دبر حادثة لسليم واياد.. ولـ عها بين أياد وزينة وسليم يوم ما راحوا يشوفوا كريم.. وكان بيحسس عليها عادي بمنتهى الدناءة (مع العلم إنه كان متأكد من حبه لفيروز.. يعني إللي زي ده لو بس مشي مع فيروز في علاقة جواز عادية واملاها الروتين هيخونها عادي.. مجرد وقت بس ليس إلا بس طول ما هو مش قادر ولا عارف يطولها هيصمم عليها).. بيضمر ليه كل الكراهية وعمره لا وهو كبير ولا وهو صغير عامل بدر الدين ولا ابنه كويس.. وأخيراً وليس آخرًا الكل اكتشف إنه اغتصـ ب أروى!
مع احترامي الشديد.. لو اعرف ان اكتر واحدة في الدنيا بكر هها حصلها اغتصـ اب من غير ما افهم إيه إللي حصل مش هقبله عليها..
آه أروى غلطانة إنها مقالتش لأهلها وشهاب غلطان في الفعل نفسه.. أيوة أروى انسانة مش كويسة وأيوة شهاب مش كويس..
بدر الدين في الفصل التسعين في الجزء الأول كان لازم يتصرف بسرعة.. أول واهم حاجة إنه يبعد بين سليم وشهاب وعمل كده.. بدر مرضاش يجرح البنت.. وقال لمامتها يدخلوا جوا..
بدر قال كلمتين.. الدنيا صغيرة.. وبعدها سأله.. فين أروى يا شهاب عملت فيها إيه تآني..
ممكن يرد بمليون رد.. خصوصا يكبر للموقف لو البنت عايزة الخطوبة دي.. علشان خاطر بنته حتى.. لا رد بردح.. شوفوا بنتكوا بتروح فين.. كان ممكن يكسب حتى تعاطفه كان قاله بوظتلي حياتي.. كان قاله معرفش، ما صدقت خرجت من حياتنا بعد إللي عملته.. كان قاله هعرف إزاي وأنا بعيد عن مصر من آكتر من ٢٠ سنة كان قال حتى معرفش وسكت انما شهاب بدأ بمنتهى قلة الأدب.. واخر مرة بدر عرف حاجة عنه كانت ذكرى مهببة.. وبرده كان كفيل لبدر يعرف اذا كان شهاب هو زي ما هو ولا فيه حاجة اتغيرت
فيه مواقف لازم الحل والفصل فيها بسرعة.. مش هاقعد واعمل مجلس واحكولي إيه إللي حصلكم والولاد الصغيرين واقفين.. كاميليا كانت عاملة زي الأطرش في الزفة وزعيق سليم كان كفيل يحسسها بالخوف والتردد والشك ومليون سؤال كانوا في دماغها..
لو كان ساب سليم آكتر من كده كانت الدنيا ولـ عت والبنت اتجرحت..
بدر الدين مش هيجرح سيف أبدًا وهو بيحبه جدًا..
رمى كلمتين بمنتهى قلة الأدب لشهاب لأنه ابتدى بقلة الأدب.. عايره.. آه عايره لأنه في النهاية محترم ولا مرة بدر ساعده واحترمه فيها..
أحيانًا بيبقى اخر حل في ايدينا اننا نعامل اللي قدامنا بنفس طريقته.. بالكِبر والغرور وقلة الأدب في الكلام..
واخر حاجة هقولها لسه الفصل الجاي فيه أحداث كتيرة آوي آوي آوي م تستعجلوش..
دمتم بخير
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
