ភោជនីយដ្ឋាន៚
មកដល់ភោជនីយដ្ឋាន ពេលនេះគេទាំងបីអង្គុយនៅលើតុVIPមួយកន្លែង ដោយ មានបុគ្គលិកប្រុសម្នាក់ចាំកត់ឈ្មោះម្ហូបដែលគេទាំងបីអ្នកកម្ម៉ង ពេលពួកគេកម្ម៉ង រួច បុគ្គលិកនោះក៏ចាកចេញទៅធ្វើការរបស់ខ្លួនវិញ។
«បរិយាកាសទីនេះស្ងប់ស្ងាត់ល្អណាស់ អូនចូលចិត្ត»ជុងគុកសំដៅលើបរិវេណនៃកន្លែងនេះ ឃើញថាទីនេះពិតជាស្រស់ស្អាត ថែមទាំងមនុស្សក៏មិនសូវមានច្រើន ធ្វើឲ្យទីនេះស្ងប់ស្ងាត់ល្អ បូកផ្សំជាមួយភ្លេងតន្ត្រីដែលកំពុងតែលេងប្រគុំនៅម្ចាង នៃតុរបស់ពួកគេ។
«ចាំបងឧស្សាហ៍នាំអូនមកទីនេះឲ្យបានញឹកញាប់»ស៊ូហ្គាក្រសោបស្មារាងតូចឲ្យផ្អេកលើស្មារបស់គេ ដោយមិនខ្វល់ពីក្រសែភ្នែករបស់មិត្តដែលកំពុងតែអង្គុយនៅជាមួយឡើយ។
«កុំមកស្វីតនៅមុខយើង ជ្រេញណាស់»
ថេយ៉ុងធ្វើជាជ្រេញរឹក តែក្នុងចិត្តវិញ កំពុងតែខឹងស៊ូហ្គាចង់ឆេះចេញផ្សែងមកក្រៅហើយ។ នាយពិតជាមានសំណាង ដែលមានក្មេងប្រុសម្នាក់នេះមកថ្នាក់ថ្នមនៅក្បែរខ្លួន។
«ចឹងឯងរកមួយដែរទៅ ដើម្បីកុំឲ្យមកច្រណែនគេផ្តេសផ្តាសបែបនេះ»ស៊ូហ្គាវ៉ៃចិញ្ចើមឌឺទៅកាន់ថេយ៉ុងយ៉ាងជឿជាក់។
«ហឹស!!»
ថេយ៉ុងញោចស្នាមញញឹមចុងមាត់ រួចអាហារក៏មកដល់តុរបស់ពួកគេ ទើបពួក គេបន្តញាំដោយមានសម្លេងជជែកគ្នាពីនេះពីនោះយ៉ាងសប្បាយរីករាយ។
ពេលដែលញាំរួចរាល់ហើយ ពួកគេក៏បំបែកគ្នាត្រឡប់ទៅវិញរៀងៗខ្លួន ដោយជុងគុកទៅវិញជាមួយស៊ូហ្គា ព្រោះពួកគេទៅណាមកណាជាមួយគ្នារហូត ប្រៀបបានដូចជាប្តីប្រពន្ធមួយគូរអញ្ចឹង។
ភូមិគ្រឹះអាន់តូនី៚
«យ៉ូហាន»
មកដល់ភូមិគ្រឹះរបស់ខ្លួនភ្លាម ថេយ៉ុងហៅកូនចៅជំនិតរបស់គេ។
«បាទចៅហ្វាយ»
យ៉ូហានឱនគោរពអ្នកដែលមាននាមជាចៅហ្វាយរបស់ខ្លួន។ នាយជាកូនចៅដែលថេយ៉ុងទុកចិត្តបំផុត។
«ឯងទៅស៊ើបមើលប្រុសម្នាក់នេះឲ្យយើង ត្រូវយកឲ្យលម្អិតឮទេ?»គេបោះរូប ថតប៉ុន្មានសន្លឹកទៅលើតុធ្វើការរបស់គេ រូបទាំងអស់នោះ គឺជារូបរបស់ជុងគុក ដែលគេឆែករកមើលតាមអ៊ីនធើណែត។
YOU ARE READING
💢Ownership💢 ( ចប់ )
ActionTH " ទោះឯងក្លាយជារបស់អ្នកណាក៏ដោយ យើងនឹងយកឯងមកក្លាយជាកម្មសិទ្ធរបស់យើងឲ្យបាន ផាក ជុងគុក " ថេយ៉ុង អាន់តូនី នឹង ផាក ជុងគុគ TAE TOP / BOTTOM GUKK Author: ថេយ៍ស៊ី ( រ៉ូស៊ី ) 09/06/21
