នាពេលយប់ ថេយ៉ុងបាននាំជុងគុកមកតាមការណាត់របស់គេជាមួយស៊ូហ្គា ដើម្បីបញ្ជាក់ថាការពិតស៊ូហ្គាបានប្រគល់ជុងគុកឲ្យមកគេពិតមែន ដើម្បីកុំឲ្យជុងគុកនៅតែគិតថាគេកុហកទៀត។
«ស៊ូ...!»
ចូលមកដល់បន្ទប់ដែលពួកគេតែងតែមកអង្គុយជាមួយគ្នា ជុងគុកក៏ស្រឡាំង កាំងនឹងវត្តមានរបស់នាយដែលកំពុងតែមានក្មេងប្រុសម្នាក់អង្គុយក្បែរនាយ។ ប្រុសម្នាក់នោះគេចាំបានថាជាក្មេងរត់តុដែលសង្សាររបស់គេធ្លាប់ជួយពីពួកជនពាលខូចខិលពីថ្ងៃមុន។
«អាថេយ៍! ជុងគុក! អង្គុយសិនទៅ»
ថេយ៉ុងក៏ដើរកកាន់ដៃរាងតូចឲ្យអង្គុយចុះ ព្រោះជុងគុកពេលនេះគិតតែឈរភ្លឹក។
«ស៊ូ...ប្រុសអង្គុយក្បែរបងជាអ្នកណា?»
ជុងគុកសួរទៅសង្សាររបស់ខ្លួនទាំងអួលដើមក ខានជួបតែពីរថ្ងៃសោះ ទឹកមុខរបស់នាយឃើញគេដូចផ្លាស់ប្តូរ មិនរំភើប មិនត្រេកអរដែលគេមកជួបនាយសោះ។
«ជាសង្សារថ្មីរបស់បង សឺតត...!»
ស៊ូហ្គាថើបថ្ពាល់អ្នកដែលគេអង្គុយឱបជាប់មិនលែង មិនបានខ្វល់ថាពាក្យសម្តីនឹងទង្វើរបស់នាយធ្វើឲ្យអ្នកដែលសួរគេនោះត្រូវឈឺចាប់កំរិតណាឡើយ។
«បង...ហ្អឹក...បងនិយាយពីអី បងកុហកអូនមែនទេ? បងគ្រាន់តែចង់បោកអូនលេងត្រូវទេ?»ទឹកភ្នែកដែលព្យាយាមទប់ ទីបំផុតក៏ស្រក់ចុះមកទាល់តែបាន។
គេឮមិញនេះ វាមិនមែនជាការពិតទេ ទង្វើរបស់នាយគ្រាន់តែចង់បោកគេឲ្យជឿលេង គ្រប់ យ៉ាងមិនអាចទៅរួចទេ គេទើបតែមិននៅក្បែរនាយតែពីរថ្ងៃសោះ នាយមិចនឹងអាចមានអ្នកផ្សេងអំឡុងពេលដែលគេនឹងនាយនៅជាសង្សារនឹងគ្នាបានទៅ។
«ហឹស! ខ្ញុំបានប្រគល់ឯងជាការចាញ់ភ្នាល់ឲ្យទៅថេយ៉ុងហើយ ដូច្នេះខ្ញុំក៏មិន បាននៅស្រឡាញ់ឯងទៀតដែរ ពេលនេះរវាងពួកយើងបានបញ្ចប់ហើយ ពួកយើងបានបែកគ្នាពេលដែលខ្ញុំនាំឯងទៅភូមិគ្រឹះរបស់ថេយ៉ុងនោះហើយ »ស៊ូហ្គាព្យាយាមនិយាយទាំងទឹកមុខស្មើរ ដើម្បីកុំឲ្យជុងគុកដឹងពីក្នុងចិត្តរបស់គេថាគេមិនបាននិយាយដូចគេកំពុងតែនិយាយនេះឡើយ។
YOU ARE READING
💢Ownership💢 ( ចប់ )
ActionTH " ទោះឯងក្លាយជារបស់អ្នកណាក៏ដោយ យើងនឹងយកឯងមកក្លាយជាកម្មសិទ្ធរបស់យើងឲ្យបាន ផាក ជុងគុក " ថេយ៉ុង អាន់តូនី នឹង ផាក ជុងគុគ TAE TOP / BOTTOM GUKK Author: ថេយ៍ស៊ី ( រ៉ូស៊ី ) 09/06/21
