حب بطعم مر "بالدارجة المغربية"

البــــــارت 13

البــــــارت 13:

عروقو  برزو وجهو ولا حمر  حتى من حجبانو تعقدو  كيشوف فهاد الكارتة لي گالسة قدامو اش كتشرط عليه لا وكتهددو بإلى حط عليها  ايديه اتغبر فمرة والمشكلة هي انو عارفها دارها وتقد بيها مبان ليه غير الحيط قدامو يخرج فيه هاد الكمية ديال الاعصاب لي غير زايدة وكتكبر..  جمع ايدو حتى جمعها وعطاها ليه حس بالعظم تشقق ليه بحال والو يكون تهرس.. اما هي گالسة وهازا حاجبها فيه بكل برودة عارفاه باش كيحس ولي كيقلتها.. هو غير كيتخايل فيها مع غيرو اما هي شافتو مع غيرها وهادشي منرفزها معقدها فحياتها حبها ليه كبير بزاف واناني من ديما مكتحملش لي تدوي معاه حتى الهضرة اما دابا راه بزاف لي عاشروه .. زائد كرامتها لي فوق كلشي تزطم على قلبها وتمشي ومتزطمش عليها...  خلاتو دخل لدوش  يبرد باش ميقتلهاش ويتبعها.. وخرجات هي كتسارا فهاد القرينة لي جابها ليها هي عارفة گاع الديور لي عندو ولكن هادي اول مرة كتشوفها والمشكلة نفس المدينة لي فين ساكنين العائلة علاش ايحتاج دار وهو كيبات معاهم ..  دغيا دارت ليها الطن فراسها ومشات لغرفة النوم كتقلب فيها وتشوف الدريسنغ على الله تلقا داكشي لي كتقلب عليه باش تشعل فيه العافيا هو ودارو...  قلبات گاع القنات ولكن  ملقات والو تنهدات ورجعات خرجات لكوزينا لي كانت مطلوقة على الصالون لي اصلا گاع الديور فأوروبا عندهم نفس الشكل ديما لاكويزين  كتكون وسط الدار.. هزات حاحبها فيه كتشوف عنقو باقي كينزف على البينوار فالبيض وايدو جامعها عندو الدوش منفعو فوالو تنهدات ومشات تبعاتو لبيت هزات علبة فيها الاسعافات الاولية وكلسات كتسناه يلبس يخرج عندها..  هزات عينيها فيه كتشوفو لابس سروال كيطما كحل مع تيشورت فالگري جاي مع بينيو الجسدية  لي مكبيرة مصغيرة  عادية هي هديك هو ماشي  من نوع لي كيبقاو ينفخو فالكتاف بالسبور حتى كيوليو قد الدحوش...  شاف فيها عينيه حمرين والعرق غير مزاد بان فراسو كيضرب كتر وكتر  مشا گلس حداها  مكيدويش فقط كيشوف فيها اش باغا تصنع خدات كوتونتيس دارت فيه لالكول تعقم ليه الجرح لي فعنقو بلاما دوي كتحط على الجرح وتخسر تعابير  وجها وهو غير كيشوف وساكت سالات هزات بونصمو قد الحرج داترها ليه وهزات عينيها فيه لقاتو سارح فيها..  خنزرات فيه وهزات ايديه كتقلبها لا يكون مهرس.. كتورك عليها وكتشوفو لا يدير شي ردة فعل لقاتو جامد غير كيشوف  ومرة مرة كيكمش ملاميحو ضمضاتها ليه حتى هي جات باغيا تنوض رجعها گلسات على رجليه قبل متستوعب اش وقع دخل معاها فقبلة طويلة فأول كان كيبوسها بهمجية بحالا كيفكرها بلي هو الوحيد لي عندو الحق فيها من بعد بدا كينقص الوتيرة باش تفاعل معاه عارفها معكسة كتمشي غير بالحنان..  تعصب حيت حس بيها ممتجوباش معاه وفصل القبلة  ..  عمرها فحياتها قمعاتو شي قمعة بحال هادي   ديما كتجاوب معاه واخا يوقع لي وقع ديما كتبين ليه رغبتها فيه كيف هو كيبين ليها رغبتو فيها خصوصا فالبوس ..  ياك كيبغيها علاش هادشي كامل ياك كيدور حتى يعيى فالاخير مكيحلا ليه يغمض عينيه غير وهو معنقها عندو خاشي ليها راسها فصدرو...  زاد تنيرفا كتر وكتر مبغاهاش تكرهو مبغاهاش تبعد عليه كرهاتو فحياتو وكرهاتو فسيلين ولي كانو قبلها هو كيبغي غير وحدة وهي نجلا  حتى هو عندو رغبة جنسية نهار كترفضو مراتو او كتكون باردة من جيهتو سي نوغمال ايشوف فالزنقة حتى هو عندو غريزة كتحكم فيه بلا ميقدر يكبحها ولا يحبسها..  تعصب وتعصب وقال اللهم يقلب ستة تسعود حتى يبرد  هز سوارت وخرج راجع لقصر ماباغيش يبقا معاها..  هز تيليفونو صونا
لشيفور يجي يرجعها معندها لاش تبقا هنا مزال...   رن تيليفونو شاف السمية وتجاهلو ورجع رن ورن فالاخير وكل امرو لله وجاوب

مراد :  oui

سيلين:  mourad , mon fils est en train de  mourir, je ne sais pas ce qui lui est arrivé, il y a du sang, viens vite
مراد  انا كنموت ولدي معرفتش  مالو ، كاين دم اجي بزربة

  سخط كتر مكان ساخط وزاد السرعة غادي عندها.